У Рэчыцы змянілася кіраўніцтва акруговай выбарчай камісіі

2012 2012-08-24T20:58:56+0300 1970-01-01T03:00:00+0300 be http://spring96.org/files/images/sources/rechica-shostak.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

24 жніўня адбылося паседжанне Рэчыцкай акруговай выбарчай камісіі. Са складу камісіі выведзены яе старшыня – Віталь Атаманчук, першы намеснік старшыні Рэчыцкага райвыканкама. Гэта адбылося ў сувязі з тым, што старшыня райвыканкама Пётр Шостак (на фота) зарэгістраваны кандыдатам у дэпутаты Палаты прадстаўнікоў.

Такім чынам, П. Шостак у адпаведнасці з Выбарчым кодэксам узяў адпачынак на перыяд выбарчай кампаніі, і В. Атаманчук у гэты перыяд будзе выконваць абавязкі старшыні райвыканкама.

Замест В. Атаманчука старшынёй акруговай выбарчай камісіі абраны таксама прадстаўнік улады – начальнік аддзела арганізацыйна-кадравай работы райвыканкама Рыгор Якушаў. Дагэтуль ён быў намеснікам старшыні камісіі. Цяпер жа намеснікам старшыні абрана Ларыса Баброўнік, упраўляючая Рэчыцкім аддзяленнем адкрытага акцыянернага таварыства “БПС-Банк” і дэпутат раённага Савета.

Аб гэтым паведаміў назіральнік у Рэчыцкай акруговай выбарчай камісіі Валерый Пуціцкі. На думку В. Пуціцкага, змяненне кіраўніцтва ніяк не паўплывае на працу камісіі.

Адзначым, што П. Шостак вылучаны кандыдатам у дэпутаты не ў сваім раёне, а ў суседняй Буда-Кашалёўскай выбарчай акрузе, якая ахоплівае Буда-Кашалёўскі, Веткаўскі, Чачэрскі раёны і частку Жлобінскага. Ні ў адным з гэтых раёнаў ён не жыў і не працаваў.  

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international