Пра Алеся Бяляцкага распавялі ў сталіцы Тайланду

2012 2012-08-22T15:04:00+0300 1970-01-01T03:00:00+0300 be http://spring96.org/files/images/sources/jehalezin.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Супрацоўнік офіса FIDH у Бангкоку Шывэй Йэ з кіраўніком Свабоднага тэатра Мікалаем Халезіным

Супрацоўнік офіса FIDH у Бангкоку Шывэй Йэ з кіраўніком Свабоднага тэатра Мікалаем Халезіным

Супрацоўнік офіса Міжнароднай федэрацыі за правы чалавека (FIDH) у Бангкоку Шывэй Йэ даведаўся з прэсы аб тым, што ў горадзе адбудзецца вечар па правах чалавека ў Беларусі, і наведаў мерапрыемства, каб звярнуць увагу на сітуацыю з палітвязнем, віцэ-прэзідэнтам FIDH Алесем Бяляцкім.

Вечар, прысвечаны абмеркаванню сітуацыі з правамі чалавека ў Беларусі, ладзіла трупа Свабоднага тэатра, якая прыехала ў Тайланд таксама для азнаямлення з досведам барацьбы супраць смяротнага пакарання. На мерапрыемства Шывэй Йэ прыйшоў у саколцы з выявай Алеся Бяляцкага і з постэрам з патрабаваннем вызвалення старшыні ПЦ “Вясна” і віцэ-прэзідэнта FIDH, які вывесіў ля сцэны. Паводле яго слоў, удзельнікі Свабоднага тэатра былі вельмі гэтаму рады і, распавядаючы прысутным пра парушэнні правоў чалавека ў Беларусі, асобна спыніліся на сітуацыі з Алесем Бяляцкім. Зала была запоўнена цалкам.

“Шоу беларускай трупы працягваецца, нягледзячы на небяспеку” – пад такой назваю ў адной з галоўных тайландскіх газет выйшаў артыкул, у якім распавядаецца пра дзейнасць і пераслед Свабоднага тэатра з боку беларускага рэжыму, і пра сітуацыю ў Беларусі ўвогуле.

“Аляксандр Лукашэнка кіруе Беларуссю на працягу 18 гадоў. Зараз у яго чацвёрты пяцігадовы тэрмін пасля аспрэчваемых вынікаў выбараў, ён мае цесныя сувязі і падтрымку ад прэзідэнта Расіі Уладзіміра Пуціна”, - піша выданне і, спасылаючыся на такія арганізацыі, як “Вясна”, Беларускі Дом правоў чалавека, FIDH, Фонд Дамоў правоў чалавека, Human Rights Watch і Amnesty International, далей пералічвае асноўныя праблемы сённяшняй Беларусі: палітычныя вязні, пераслед актывістаў грамадзянскай супольнасці, наяўнасць “чорных спісаў” у краіне, смяротнае пакаранне.

Свабодны тэатр у Бангкоку

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international