Салігорск: Назіральнік патрабуе адкрыць інфармацыю пра фармаванне камісій

2012 2012-08-21T12:11:32+0300 1970-01-01T03:00:00+0300 be http://spring96.org/files/images/sources/marhotka-sal-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Мархотка, прадстаўнік БХК у Салігорску

Леанід Мархотка, прадстаўнік БХК у Салігорску

Кіраўнік салігорскай філіі БХК працягвае патрабаваць ад уладаў прадастаўленьня інфармацыі аб вылучэньні прадстаўнікоў у склад участковых камісій. На гэты раз праваабаронца накіраваў скаргу ў Мінаблвыканкам.

Нагадаем, прадстаўнік БХК прысутнічаў на паседжанні Салігорскага выканкаму па фармаваньні складу ўчастковых камісіяў. З яго словаў, паседжанне насіла фармальны характар - на зацверджанне складу васьмі дзесяткаў камісій чыноўнікам спатрэбілася 20 хвілін. За спіс з 691 прэтэндэнта прысутныя галасавалі адзінагалосна.

Тады ў сп. Мархоткі з’явіўся сумнеў, што і адпаведныя сходы працоўных калектываў маглі мець такі ж фармальны характар альбо іх магло не быць наогул. З патрабаваннем прадаставіць інфармацыю аб вылучэнні прадстаўнікоў ён звярнуўся да старшыні выканкама Аляксандра Рымашэўскага.

Аднак, вуснага зварота аказалася недастаткова, і быў накіраваны пісьмовы. У ім праваабаронца зыходзіць з таго, што дадзенае інфармацыя не можа насіць закрыты характар, бо з’яўляецца часткай публічнага працэсу фармаваньня складу выбарчых камісій і мусіць адпавядаць прынцыпам галоснасці і адкрытасці. У атрыманым адказе А.Рымашэўскі прынцыпы гэтыя прызнае, але ў прадастаўленьні адпаведнай інфармацыі адмаўляе.

Гэтым разам Леанід Мархотка звяртаецца да Барыса Батуры, старшыні Мінскага абласнога выканаўчага камітэта. Сутнасц скаргі аналагічная - адкрыты выбарчы працэс мусіць прадугледжваць прадстаўленне інфармацыі такога кшталту.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international