Старшыні Магілёўскага аблсавета не падабаецца апазіцыя

2012 2012-08-20T17:15:36+0300 1970-01-01T03:00:00+0300 be http://spring96.org/files/images/sources/pantyuhov.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Старшыня Магілёўскага аблсавета Уладзімір Панцюхоў адказаў на пытанне карэспандэнта газеты “Асіповіцкі край”, што ён думае наконт маючых адбыцца парламенцкіх выбараў у Беларусі і іх ходу ў Магілёўскай вобласці, у прыватнасці. Уладзімір Панцюхоў адзначыў, што “падрыхтоўка к важнай палітычнай падзеі ў жыцці Беларусі праходзіць у нас спакойна і цывілізавана, без якіх-небудзь правакацыйных дзеянняў з боку апазіцыі”. Аднак кіраўнік народных абраннікаў Магілёўскай вобласці, былы першы сакратар Цэнтральнага райкама КПБ Магілёва Уладзімір Панцюхоў не змог стрымацца і ўсё ж паліў брудам сваіх апанентаў.

У працяг адказа на пытанне карэспандэнта “Асіповіцкага краю” старшыня аблсавета сказаў пра тое, што “Нясмелыя спробы апанентаў улады разгарнуць незразумелыя дэбаты былі, але ўсе іх целаварушэнні скончыліся нічым, і гэтыя патугі ў чарговы раз толькі пацвердзілі, якую вагу ў нашым здаровым грамадстве мае апазіцыя і што ўяўляюць яе лідары”.

Таксама Уладзімір Панцюхоў выказаў стопрацэнтную ўпэўненасць, што выбары ў верасні пройдуць якасна і на высокім узроўні, а пэўнае абнаўленне дэпутацкага корпуса пойдзе ўсім толькі на карысць.

Сумна, што старшыня Магілёўскага аблсавета, які павінен абараняць правы ўсіх грамадзян сваёй вобласці, не разумее, што  толькі дзякуючы дэбатам і ўліку меркаванняў усіх грамадзян грамадства можа развівацца наперад, а не скатвацца ў застой.

“Праваабаронцы за свабодныя выбары”

 

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international