Таварыства «Веды» правядзе ў Гомелі працу па «інфармацыйна-ідэалагічнаму» забеспячэнню выбараў

2012 2012-08-20T13:33:37+0300 1970-01-01T03:00:00+0300 be http://spring96.org/files/images/sources/plakat-vybaru-2012.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Рэспубліканскае дзяржаўна-грамадскае аб'яднанне «Беларускае таварыства «Веды» правядзе ў Гомелі шэраг лекцый, дыскусій і семінараў па «інфармацыйна-ідэалагічнаму» забеспячэнню выбараў. Кіраўніцтва абласнога аддзялення Таварыства «Веды» разаслала кіраўнікам прадпрыемстваў і старшыням участковых камісій прапанову правесці «карпаратыўныя адукацыйныя семінары» на тэму працы назіральнікаў і членаў участковых камісій. Кошт семінара – 1,2 мільёна рублёў.

Таксама сябры Таварыства «Веды» правядуць на прадпрыемствах і арганізацыях шэраг лекцый па «інфармацыйна-ідэалагічнаму забеспячэнню выбараў». Прычым тэматыка лекцый тычыцца не толькі непасрэдна выбараў (заканадаўства, прававых аспектаў), а і такіх пытанняў, як будаўніцтва АЭС, і «Што нам даюць дэмакратыя і галоснасць», «Па шляху стабільнасці і прагрэсу», «Праграма адраджэння вёскі». Раскажуць лектары аўдыторыі і пра Пасланне прэзідэнта народу і парламенту, якое прагучала 8 мая, і пра дасягненні беларускай эканомікі.

Дарэчы, на сайтах раённых выканкамаў Гомельскай вобласці ў рубрыцы «Выбары-2012» з'явіліся даклады на тэму «Гомель: ад выбараў да выбараў», ці «Жлобін: ад выбараў да выбараў». Там у яскравых колерах апісваецца пра дасягненні ўлады за апошнія гады: будаўніцтва кватэр, новых аб'ектаў, адкрыццё новых вытворчасцяў, рост заробкаў, падтрымку шматдзетных, інвалідаў, і нават пра дасягненні ў вобласці культуры і спорту.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international