Цэнтрвыбаркам адмяніў папярэджанне Ганне Канюс

2012 2012-08-17T16:02:41+0300 1970-01-01T03:00:00+0300 be http://spring96.org/files/images/sources/kanius-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Ганна Канюс

Ганна Канюс

Папярэджанне кіраўніку Брэсцкай гарадской арганізацыі Беларускай сацыял-дэмакратычнай партыі (Грамада), якая вылучана кандыдатам у дэпутаты Палаты прадстаўнікоў, было вынесена выбарчай камісіяй Брэсцкай-Заходняй акругі №1.

Падставай для папярэджання сталася тое, што Ганна Канюс нібыта распаўсюджвала неправераныя чуткі пра дырэктара брэсцкага ЦУМа Віктара Валюшыцкага, які таксама з’яўляецца прэтэндэнтам ў кандыдаты. Насамрэч, Канюс прасіла акруговую камісію праверыць некаторыя факты, якія маглі б сведчыць пра парушэнне выбарчага заканадаўства з боку Валюшыцкага. Гэтая праверка не пацвердзіла звесткі кіраўніка мясцовай суполкі БСДП (Грамада), а ў выніку ўжо дырэктар ЦУМа падаў заяву ў выбаркам, абвінаваціўшы Ганну Канюс у распаўсюджванні ў дачыненні да яго ілжывай інфармацыі. Пасля гэтага акруговая камісія вынесла прадстаўніцы брэсцкіх сацыял-дэмакратаў папярэджанне, а сама яна абскардзіла гэтае рашэнне ў ЦВК.

На паседжанні 17 жніўня Цэнтрвыбаркам практычна аднагалосна (супраць прагаласаваў толькі сакратар ЦВК Мікалай Лазавік) задаволіў скаргу Ганны Канюс і адмяніў папярэджанне. Паводле старшыні Цэнтрвыбаркама Лідзіі Ярмошынай, хоць з боку Канюс і былі “дапушчаныя неэтычныя дзеянні, але гэта не з'яўляецца падставай для вынясення папярэджання”.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international