Праваабаронцу Тацяну Рэвяку апыталі ў КДБ (абноўлена)

2012 2012-08-17T14:58:00+0300 1970-01-01T03:00:00+0300 be http://spring96.org/files/images/sources/raviaka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Тацяна Равяка

Тацяна Равяка

У палове на адзінаццатую раніцы 17 жніўня сябру Рады Праваабарончага цэнтру “Вясна” Тацяне Рэвяцы са схаванага нумару патэлефанаваў супрацоўнік КДБ і прапанаваў пад’ехаць да іх для размовы. Праваабаронца запатрабавала даслаць ёй афіцыйную позву. У адказ Тацяна пачула: “Калі вы на працы, на “Вясне”, то мы зараз позву вам падвязем. Толькі давайце зробім гэта непублічна”.

Прычына такой цікавасці з боку КДБ да праваабаронцы пакуль невядомая.

Тацяна Рэвяка мяркуе што гэты выклік звязаны з яе прафесійнай дзейнасцю і з ціскам на “Праваабарончы цэнтр “Вясна”, дзейнасць якога пасьля арышту старшыні арганізацыі Алеся Бяляцкага не спыняецца ні на хвіліну.

11-10. Супрацоўнік КДБ капітан Рубінаў Аляксандр Мікалаевіч уручыў позву на 12 гадзін, у якой пазначана прычына выкліку: "у якасця асобы, якая дасведчаная аб абставінах, якія маюць значэнне для забеспячэння нацыянальнай бяспекі Рэспублікі Беларусь".

* * *

Як паведаміла Тацяна Рэвяка пасля размовы з супрацоўнікам КДБ, яго цікавіла размешчаная на сайце spring96.org 15 жніўня інфармацыя пад назвай “У Магілёве КДБ умешваецца ў выбарчы працэс”. У праваабаронцы запытваліся аб тым, адкуль была атрыманая гэтая інфармацыя, ці з’яўляецца Рэвяка яе аўтарам, ці правярала яна выкладзеныя ў матэрыяле факты непасрэдна ў КДБ.

Праваабаронца выказала меркаванне, што ў выпадку пацвяржэння непраўдзівасці выкладзенай на сайце арганізацыі матэрыялу гэта сапраўды можа нанесці іміджавую шкоду органам дзяржбяспекі і прапанавала правесці праверку выкладзеным фактам. Тацяна Рэвяка была папярэджаная аб тым, каб неправераная інфармацыя аб органах дзяржбяспекі не змяшчалася на сайце арганізацыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international