Умовы ўтрыманьня палітзьняволенага Івана Крука значна пагоршыліся

2006 2006-12-10T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

ПЦ "Вясна" стала вядома, што ўмовы знаходжаньня зьняволенага астравецкага праваабаронцы і грамадзкага дзяяча Івана Крука значна пагоршыліся. У Глыбоцкай калоніі яго перавялі з 64-й у 18-ю камеру. Людзей там больш і яны ўсе вельмі шмат кураць. Па прызнаньню самога Івана Крука, які  ня паліць, ён упершыню адчуў праблемы з сэрцам. Да ўсяго Іван Крук змушаны засьцерагацца правакацыяў, якія ўжо рабіліся ў дачыненьні да яго раней. Пасьля кожнай прагулкі ён пераглядае ўсе свае рэчы, каб нечага не падкінулі.

Нагадаем, што тэрмін зьняволеньня Івана Крука адлічваецца з 10 ліпеня. Засуджаны ён быў на паўгады турэмнага арышту Лідзкім раённым судом нібыта "за супраціў работнікам міліцыі". Касацыйная скарга ў Гарадзенскім абласным судзе станоўчых вынікаў грамадзкаму актывісту таксама не прынесла. Знаходзячыся ў зьняволеньні ў Глыбоцкай калоніі, Іван Крук падаваў паперы на датэрміновае вызваленьне, але яму адмовілі на той падставе, што ў асабістых рэчах правабаронцы быў нечакана знойдзены кавалачак металёвага палатна. Зараз Іван Крук, які павінен выйсьці на волю 10 студзеня, занепакоены верагоднасьцю новых правакацый.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international