Вярхоўны камісар па правах чалавека ААН рыхтуе заяву з нагоды галадоўкі Аляксандра Казуліна

08.12.2006.

Сёньня чакаецца прэсавая канфэрэнцыя Вярхоўнага камісара ААН па правах чалавека Люіз Арбур, якая павінна выступіць з адмысловай заявай па сітуацыі вакол галадоўкі Аляксандра Казуліна.

Пра гэта Радыё Свабодзе паведаміў супрацоўнік офісу Вярхоўнага камісара ААН ў правах чалавека, адказны за Еўропу, Паўночную Амэрыку і Цэнтральную Азію, Дымітры Чалеў. Ён зазначыў, што галадоўка Аляксандра Казуліна знаходзіцца ў полі зроку арганізацыі: “У гэтай справе я застаюся ў кантакце з адмысловым дакладчыкам ААН у правах чалавека ў Беларусі, і магу сказаць, што мы будзем намагацца, каб прадпрыняць афіцыйныя дзеяньні у самы бліжэйшы час. Я б сказаў, што гэта магчыма сёньня ці заўтра”.

Спадар Чалеў зазначыў, што ў офісе Вярхоўнага камісара ААН па правах чалавека акрамя заявы спадарыні Арбур рыхтуюць і іншыя дзеяньні, зьвязаныя з галадоўкай Казуліна, але якія канкрэтна, ён пакуль не ўпаўнаважаны казаць.

Дадаць камэнтар

Камэнтары