Маладэчна: У акруговай камісіі – дзіўны парадак праверкі подпісаў

2012 2012-08-15T13:22:31+0300 1970-01-01T03:00:00+0300 be http://spring96.org/files/images/sources/balanchuk-eduard.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Прадстаўнік БХК у Маладэчне Эдуард Баланчук

Прадстаўнік БХК у Маладэчне Эдуард Баланчук

Незалежны назіральнік Эдуард Баланчук, які 14 жніўня прысутнічаў на паседжанні акруговай камісіі Маладэчанскай выбарчай акругі №72, паведамляе, што сябры камісіі, перад тым як пачаць адбіраць для праверкі падпісныя лісты за рэдактара мясцовага радыё Галіну Лазоўскую, прагледзелі ўсе подпісы і адразу выкрэслілі “няправільныя”.

У Маладэчне падчас кампаніі па зборы подпісаў не было выстаўлена ніводнага пікету, не чуваць гэтым разам нічога не было пра падпісванне на прадпрыемствах, у абыходзе кватэраў таксама ніхто не быў заўважаны. Тым не менш, прэтэндэнтка ў кандыдаты Галіна Лазоўская здала больш за 2,5 тысячы подпісаў.

Замест таго, каб адразу адабраць патрэбную колькасць падпісных лістоў для праверкі, напачатку ўсе 11 сябраў камісіі правяралі подпісы і выкрэслівалі “несапраўдныя”: тыя, дзе былі відавочныя памылкі. Потым ужо з адрэдагаваных падпісных лістоў адабралі неабходную колькасць для праверкі.

Эдуард Баланчук распавядае:

- Па свайму досведу ведаю, як ставяцца ў камісіях да подпісаў, сабраных за апазіцыйных кандыдатаў. Таму перад здачай іх звычайна вельмі дакладна правяраюць на наяўнасць памылак і здаюць ужо “чыстымі”,  з выкрэсленымі адразу самымі малымі дробязямі, якія могуць паўплываць на вынік праверкі. Але не для ўсіх кандыдатаў, відаць, такія правілы.

Сам я, прагледзеўшы падпісныя лісты Галіны Лазоўскай, заўважыў, што подпісы збіраліся “непрафесійна”: былі падпісанты, маладзейшыя за 18 год, многія подпісы разам з датамі – быццам пастаўлены адной рукой.

 

Наконт усёй гэтай сітуацыі Эдуард збіраецца пісаць заўвагу ў ЦВК.

 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international