Сяргей Каваленка 12 сутак у ШЫЗА

2012 2012-08-13T09:51:55+0300 1970-01-01T03:00:00+0300 be

Пра гэта Радыё Свабода 10 жніўня паведаміла жонка палітвязьня Алена Каваленка:

«Сёньня мне стала вядома, што 28 ліпеня — на наступны дзень пасьля нашага доўгатэрміновага спатканьня — Сяргея кінулі ў ШЫЗА. Гэткім чынам, на сёньня ён там знаходзіцца ўжо 12 дзён. Кінулі яго незразумела за што. Напачатку яму далі 9 дзён, а затым, ужо ў карцэры, дадалі яшчэ 7 дзён. Гэткім чынам у адзіночцы яму застаецца быць да 14 жніўня.

Сяргей скардзіцца, што там холадна і начамі яму даводзіцца па некалькі разоў прачынацца і рабіць фізычныя практыкаваньні, каб сагрэцца.

Я лічу, што гэта подласьць з боку адміністрацыі калёніі, бо Сяргей ня ў тым фізычным стане, каб заставацца ў такіх умовах адзіночнай камэры. І замест таго, каб мець магчымасьць перадаць яму лекі, яго кінулі ў карцэр. Відавочна таксама, што яны помсьцяць Сяргею, што ён ня здраджвае сваім перакананьням і прынцыпам. Яны таксама патрабуюць, каб Сяргей напісаў заяву аб прызнаньні сваёй віны, ад чаго Сяргей катэгарычна адмаўляецца.

Гэткім чынам апраўдаліся мае дрэнныя прадчуваньні, бо падчас спатканьня мы дамовіліся, што будзем пісаць адзін аднаму лісты, але дагэтуль я не атрымала ад яго ні лістоў, ні тэлефанаваньняў».

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international