Сайт, дзе збіраюцца подпісы ў падтрымку Сурапіна і Башарымава, недаступны для беларусаў

2012 2012-08-13T09:26:38+0300 1970-01-01T03:00:00+0300 be

У Беларусі стаў недаступны сайт міжнароднай платформы Change.org, на якім праводзіўся збор подпісаў за вызваленне журналіста Антона Сурапіна і рыэлтара Сяргея Башарымава, затрыманых па крымінальнай справе аб незаконным перасячэнні беларускай мяжы шведскім лёгкаматорным самалётам.

У Расіі і ва Украіне расейскамоўная версія сайта працуе без праблем, паведамляюць каардынатары платформы.

«Тое, што нас заблакавалі ў Беларусі, — сведчанне эфектыўнасці анлайн-петыцый і значнасці нашай працы, — мяркуе каардынатар кампаній Change.org па Усходняй Еўропе і Цэнтральнай Азіі Дзмітрый Савелаў. —

Наша галоўная задача — даць людзям у Беларусі і іншых краінах рэсурсы і інструменты, якія дазвалялі б ім публічна заяўляць пра несправядлівасць і праблемы, якія іх хвалююць, а таксама арганізоўвацца разам для іх вырашэння».

Паводле слоў Савелава,  апошні раз сайт Change.org быў заблакаваны ў Кітаі, «калі музей Гугенхайма арганізаваў міжнародную кампанію за вызваленне мастака Ай Вэйвэя».

Change.org — глабальная платформа, з дапамогай якой любы чалавек можа пачаць сваю грамадзянскую кампанію ў інтарэсах сацыяльных і іншых перамен. Платформай карыстаюцца больш як 15 мільёнаў чалавек ва ўсім свеце, з іх 150 тысяч — у Беларусі, ва Украіне і Расіі.

Беларусы сталі актыўна выкарыстоўваць платформу Change.org пасля таго, як Любоў Кавалёва — маці пакаранага смерцю за тэракт у мінскім метро Уладзіслава Кавалёва — пачала міжнародную кампанію за адмену смяротнай кары ў Беларусі і сабрала 67.000 подпісаў.


Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international