"Справядлівы свет" падаў у суд на Аршанскія выканкамы

2012 2012-08-09T18:57:00+0300 1970-01-01T03:00:00+0300 be http://spring96.org/files/images/sources/smlogo.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Віцебскі абласны камітэт партыі левых "Справядлівы свет" падаў скаргу ў суд Аршанскага раёна і г. Оршы на неправамерныя дзеянні Аршанскага гарвыканкама, што ўшчамляюць выбарчыя правы грамадзян.

У скарзе аўтары паказваюць, што прадстаўленыя кандыдатуры дзесяці сябраў партыі не былі ўключаныя ў склад участковых выбарчых камісій. Крытэрый адбору сябраў участковых камісій невядомы. Прычына, па якой прадстаўнікі партыі не ўключаны ў склад камісій, не патлумачаная. Разам з тым не ва ўсе ўчастковыя камісіі ў Оршы ўвайшлі прадстаўнікі палітычных партый.

Заяўнікі просяць суд прызнаць рашэнне Аршанскага гарвыканкама ад 8 жніўня 2012 года па фарміраванні ўчастковых камісій па выбарах дэпутатаў Палаты прадстаўнікоў незаконным, што ўшчамляе правы грамадзян.

Аналагічная скарга накіраваная ў той жа суд на Аршанскі райвыканкам, які адмовіўся ўключыць двух сябраў "Справядлівага свету" ва ўчастковыя камісіі Аршанскага раёна.

"Праваабаронцы за свабодныя выбары"

Апошнія навіны

Партнёрства

Сяброўства