КДБ пацвердзіў вынясенне абвінавачвання Башарымаву і Сурапіну

2012 2012-08-07T17:13:00+0300 1970-01-01T03:00:00+0300 be http://spring96.org/files/images/sources/basharymausurapin.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Сяргей Башарымаў і Антон Сурапін

Сяргей Башарымаў і Антон Сурапін

Сёння на афіцыйным сайце Камітэта дзяржбяспекі з'явілася інфармацыя "Аб расследванні крымінальнай справы", што затрыманым прад'яўленае абвінавачванне па ч.6 арт.16 (дапамога ў здзяйсненні злачынства) і ч.3 арт. 371 (незаконнае перасячэнне Дзяржаўнай мяжы Рэспублікі Беларусь) Крымінальнага кодэксу Рэспублікі Беларусь.

КДБ інфармуе: "Камітэтам дзяржаўнай бяспекі Рэспублікі Беларусь ўзбуджаная і расследуецца крымінальная справа па прыкметах злачынства, прадугледжанага ч.3 арт.371 КК Рэспублікі Беларусь па факце незаконнага перасячэння 4 ліпеня 2012 года Дзяржаўнай мяжы Рэспублікі Беларусь падданымі Каралеўства Швецыі на лёгкаматорным самалёце.

 Па падазрэнні ў дапамозе ў здзяйсненні дадзенага злачынства затрыманыя грамадзяне Рэспублікі Беларусь А.А.Сурапін і С.А.Башарымаў, якім прад'яўленае абвінавачванне па ч.6 арт.16 (дапамога ў здзяйсненні злачынства) і ч.3 арт. 371 (незаконнае перасячэнне Дзяржаўнай мяжы Рэспублікі Беларусь) КК Рэспублікі Беларусь.

У інтарэсах аб'ектыўнага расследавання крымінальнай справы і высвятлення ўсіх акалічнасцяў парушэння паветранай прасторы Рэспублікі Беларусь і Літоўскай Рэспублікі Камітэтам дзяржаўнай бяспекі прапануецца падданым Швецыі, якія прынялі ўдзел у арганізацыі і ажыццяўленні незаконнага перамяшчэння праз Дзяржаўную мяжу, прыбыць у Мінск для ўдзелу ў следчых дзеяннях у якасці падазраваных, у тым ліку для правядзення вочных ставак. Па выніках будуць прынятыя канчатковыя адпаведныя працэсуальныя рашэнні ў дачыненні да беларускіх грамадзян, якія праходзяць па крымінальнай справе".

Дадзеная заявай беларускія ўлады пацверджваюць, што грамадзяне Башарымаў і Сурапін па дадзенай справе фактычна з'яўляюцца закладнікамі.

Паводле заявы праваабарончага цэнтра "Вясна", абвінавачванне Башарымаву было прад'яўлена 16 ліпеня, Сурапіну - 23 ліпеня. Цікава, што ў заяве, распаўсюджанай КДБ, дата прад'яўлення абвінавачвання адсунічае.

Праваабаронцы патрабуюць неадкладнага вызвалення Антона Сурапіна і Сяргея Башарымава.


Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international