Мінск: інфармацыйная кампанія да выбараў – вельмі слабая

2012 2012-08-07T15:00:51+0300 1970-01-01T03:00:00+0300 be http://spring96.org/files/images/sources/plakat-vybaru-2012.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Мінскія назіральнікі адзначаюць, што ў сталіцы ў большасці раёнаў адсутнічаюць плакаты з інфармацыяй пра правядзенне выбараў, дзяржаўныя медыі таксама зрэдку паведамляюць пра выбарчую кампанію.

Па Ясенінскай выбарчай акрузе №100 толькі ў двух навучальных установах вісяць плакаты з датай правядзення выбараў – у гімназіі №61 і СШ №206. У астатніх навучальных установах акругі інфармаванне не праводзіцца. Да таго ж, абвестак няма і ў гандлёвых кропках. У выніку – выбарцы не ведаюць нават дату правядзення выбараў, не кажучы пра збор подпісаў і пікеты. Дзяржаўныя мінскія СМІ ініцыятывы не праяўляюць таксама, толькі перадрукоўваюць паведамленні БелТА. У газеце “Вячэрні Мінск” матэрыялы датычыліся ўтварэння выбарчых акругаў і ўчастковых камісіяў, у “Мінскім кур’еры” дадаткова друкаваліся пастановы Мінгарвыканкама з нагоды выбараў. Інфармацыі аб чальцах камісіі, а таксама парушэннях не падаваліся.

На сайтах адміністрацыяў раёнаў інфармацыя пададзена таксама няпоўна. Адміністрацыя Партызанскага і Завадскога раёнаў паведамляе толькі пра кантакты выбарчых камісій. А на сайтах Фрунзенскай, Цэнтральнай і Маскоўская адміністрацыяў раёнаў адсутнічаюць спісы чальцоў камісіяў, узор дакументаў для вылучэння ў выбарчыя акругі і ўчастковыя камісіі.

Старшыня ЦВК Лідзія Ярмошына ў інтэрв’ю тэлеканалу “Беларусь 1” пацвердзіла, што сёлетняя выбарчая кампанія праходзіць млява.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international