На зьездзе Партыі камуністаў Беларускай прынятае рашэньне адмовіцца ад барацьбы за дэпутацтва

2006 2006-12-04T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёньня ў Беларусі завяршаецца чарговы этап выбарчай кампаніі па выбарах дэпутатаў мясцовых саветаў. Кандыдаты ў дэпутаты, якія вылучаліся шляхам збору подпісаў, а таксама працоўнымі калектывамі ці палітычнымі партыямі мусяць здаць ў выбарчыя камісіі на праверку неабходныя дакумэнту.

Напярэдадні ў Менску адбыўся нечарговы зьезд Партыі камуністаў Беларускай (ПКБ). Форум з удзелам амаль 250 дэлегатаў рэкамэндаваў усім прэтэндэнтам ПКБ у кандыдаты дэпутатаў мясцовых саветаў зьняць свае кандыдатуры. Рашэньне форуму патлумачыў Радыё Свабодзе сябра бюро ЦК ПКБ Сяргей Вазьняк: “З улікам таго, што Лукашэнка заявіў: “выбары прэзыдэнцкія былі фальшаваныя” і з улікам, што нашы прадстаўнікі не ўключаны ў выбарчыя камісіі, зьезд рэкамэндаваў ня ўдзельнічаць у мясцовых выбарах. Кандыдаты пойдуць здаваць подпісы, сабраныя ініцыятыўнымі групамі, але ўдзельнічаць у выбарах не будзем”.

Са словаў Сяргея Вазьняка, у ПКБ было амаль 150 патэнцыйных кандыдатаў. А найбольшую колькасьць кандыдатаў у дэпутаты вылучае Аб’яднаная грамадзянская партыя — да 200 чалавек . Гаворыць адзін з лідэраў АГП Ігар Шынкарык:

(Шынкарык: ) “Значная частка ўжо здалі дакумэнты на рэгістрацыю кандыдатаў. Мы вельмі шмат сілаў паклалі, каб захаваць як мага больш партыйных структураў. Прыкладна 20 чалавек — новыя людзі”.

Сёньня спадзяваньні партыі БНФ на 132 вылучэнцы. 20 з іх паспрабуе зарэгістравацца кандыдатамі ў выбарчых акругах Менска. Кіраўнік ўправы партыі БНФ і вылучэнец ў Менскі гарадзкі савет Віктар Івашкевіч адказвае на пытаньне: чаму сябры БНФ здаюць дакумэнты менавіта ў апошні дзень?

- Ну, таму што трэба назьбіраць больш за 300 подпісаў, каб патрапіць на Кангрэс дэмакратычных сіл. Мяркую, што гэта галоўная аргумэнтацыя, што збор подпісаў ідзе да апошняга. Усё-такі набраць 300 подпісаў — гэта вялікі кавалак працы.

Лідэр партыі Беларускай сацыял-дэмакратычнай грамады Алесь Стральцоў паведаміў, што больш як 20 вылучэнцаў партыі зьнятыя з выбарчай гонкі па фармальных падставах. Ён не выключае, што трэба быць гатовым да непрыемнасьцяў і сёньня:

“У апошні дзень часам здараюцца “выбрыкі” у гэтых камісіях. Раптам людзі там зьнікаюць раней, чым трэба. На пару-тройку гадзінаў да канца працоўнага дня. Цяжка вылавіць. Маю на ўвазе, што тыя подпісы, якія былі сабраныя ў пятніцу, суботу, нядзелю і панядзелак цяжка заверыць. Вось такая здараецца галоўная праблема, калі зыходзіць з набытага раней досьведу”. У сувязі з заканадаўчымі зьменамі, падпісныя лісты неабходна здаваць адначасова з іншымі дакумэнтамі, у прыватнасьці, з дэкларацыяй аб прыбытках. Сама працэдура рэгістрацыі кандыдатаў у дэпутаты адбудзецца з 5 па 14 сьнежня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international