Віцебскі абласны суд не адмяніў штраф за ўлёткі пра байкот выбараў(+ відэа)

2012 2012-08-06T16:28:40+0300 1970-01-01T03:00:00+0300 be http://spring96.org/files/images/sources/gucalau-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Яўген Гуцалаў, актывіст Маладога Фронту з Віцебска

Яўген Гуцалаў, актывіст Маладога Фронту з Віцебска

Актывісту "Маладога фронту" Яўгену Гуцалаву не ўдалося аспрэчыць рашэнне суддзі Кастрычніцкага райсуду Іны Грабоўскай, якая прысудзіла хлопцу штраф памерам у 24 базавыя велічыні. Яго абвінавацілі ў несанкцыянаваным пікетаванні за тое, што распаўсюджваў у Віцебску ўлёткі з заклікам да байкоту выбараў.

Штраф амаль у два з паловай мільёны – не адзіны сумны вынік затрымання 3 ліпеня. Пасля таго, як актывіста змясцілі ў ізалятар часовага ўтрымання, ён страціў працу: РУП "Белтэлекам" не працягнула з ім кантракт.

Зрэшты, першапачатковы працэс у Кастрычніцкім райсудзе, які праходзіў 4 ліпеня,  таксама нельга лічыць справядлівым і падзаконным, лічыць каардынатарка па стварэнні партыі БХД Таццяна Севярынец:

"У судзе мяне падманулі, сказаўшы, што затрыманага Гуцалава яшчэ не прывезлі. Тым часам у кабінеце суддзі Грабоўскай суд ужо ішоў ваўсю, і нас з актывісткай Аленай Семенчуковай туды пускаць не хацелі. Пра ўсё гэта я напісала скаргу на імя старшыні Кастрычніцкага райсуду, ужо атрымала адказ. Па сутнасці мне не адказалі нічога: у лісце напісана толькі, што працэс над Гуцалавым адбыўся, але зусім не ў той час, калі нас не пускалі на пасяджэнне. З усяго гэтага я раблю выснову, што па маёй скарзе ніхто пільна не разбіраўся і што стаўленне да працэсаў палітычнага характару ў Кастрычніцкім райсудзе перадузятае".    

"Праваабаронцы за свабодныя выбары"

Віцебскі абласны суд не адмяніў штраф за ўлёткі пра байкот выбараў(+ відэа)

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international