Вялейка: з начальнікам галоўнага ўпраўлення эканамічнай бяспекі КДБ супернічаюць чацвёра прэтэндэнтаў

2012 2012-08-06T10:17:10+0300 1970-01-01T03:00:00+0300 be http://spring96.org/files/images/sources/rusak-na-zenit.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Нягледзячы на тое, што мясцовыя афіцыйныя выданні ўпарта маўчаць наконт асобаў, якія плануюць прадстаўляць Вялейшчыну ў парламенце, гэтыя звесткі былі “рассакрэчаны” недзяржаўнымі СМІ. Такім чынам стала вядома, што трое прэтэндэнтаў у кандыдаты ўжо збіраюць подпісы, і двое – пойдуць ад партый.

Абсалютна нечакана для вялейчукоў, якія хоць колькі-небудзь цікавяцца палітычным жыццём, на гэтай выбарчай акрузе з’явіліся два праўладных прэтэндэнты ў кандыдаты: Віктар Русак, начальнік галоўнага ўпраўлення эканамічнай бяспекі Камітэта дзяржаўнай бяспекі Беларусі, і Ігар Барысавец, начальнік аддзела па кінавідэаабслугоўванні насельніцтва Мядзельскага раёна КУП “Мінаблкінавідэапракат”. Відавочна, што “галоўным кандыдатам” тут лічыцца Віктар Русак, які ўжо пачаў “перадвыбарчую агітацыю”: наведаў галоўнае мясцовае прадпрыемства завод “Зяніт”, пра што падрабязна напісала газета “Шлях перамогі”. У сваёй прамове да супрацоўнікаў “Зяніту” спадар Русак узгадаў і Купалу з Коласам, і паказаў веданне “глыбінных працэсаў з’яўлення крызісных праяваў”, але ў асноўным выступ быў прысвечаны хвалам беларускім уладам і абяцанням жыцця яшчэ лепшага.

Таксама зусім нечакана на Вялейскай выбарчай акрузе з’явіўся яшчэ адзін незалежны прэтэндэнт у кандыдаты. Ініцыятыўную групу зарэгістраваў жыхар вёскі Азяркі-Дварышча, сямідзесяцігадовы пенсіянер Вячаслаў Чалы. Па сведчаннях мясцовых грамадска-палітычных актывістаў, якія маюць з ім кантакты, матывы і намеры вылучэння гэтага прэтэндэнта застаюцца незразумелымі, акрэсленай пазіцыі і сфармуляванай праграмы ён таксама не мае.

Не змянілі намераў прыняць актыўны ўдзел і двое магчымых кандыдатаў ад палітычных партый – Уладзімір Мялярчук (АГП) і Іосіф Маціюн (“Справядлівы свет”).

 

На фота: Віктар Русак на ААТ "Зеніт", здымак з сайта Вілейскага выканаўчага камітэту.

 

“Праваабаронцы за свабоднныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international