Мінаблвыканкам: розныя ўмовы для зборшчыкаў подпісаў -- гэта нармальна

2012 2012-08-03T13:13:25+0300 1970-01-01T03:00:00+0300 be http://spring96.org/files/images/sources/podpisy-zbor.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Галоўнае упраўленне ідэалагічнай працы Мінскага абласнога камітэту лічыць абсалютна законным той факт, што на Салігорскай сельскай выбарчай акрузе створаны розныя ўмовы для зборшчыкаў подпісаў.

У канцы ліпеня салігорскі сябра Беларускага Хельсінскага камітэту Уладзімір Шыла выявіў значныя адрозненні ў рашэннях выканаўчых камітэтаў Салігоршчыны і Любаншчыны, датычныя забароненых месцаў для збору подпісаў на тэрыторыі выбарчай акругі №69, у якую ўвахозяць абедзьве вышэйадзначаныя адміністратыўныя адзінкі. Так, у Салігорскім раёне праводзіць пікеты ды збіраць подпісы каля арганізацый, якія забяспечваюць жыццядзейнасць насельніцтва, было дазволена, а ў Любанскім забаронена. Зрэшты, скарга актывіста ў Мінаблвыканкам сітуацыю не змяніла.

- Як пабачыў адказ на сваю скаргу за подпісам начальніка ідэалагічнага ўпраўлення Мінаблвыканкаму, дык сутнасць адказу стала зразумелай не чытаючы, - кажа Уладзімір Шыла. - Калі тлумачэнні па выбарчым заканадаўстве замест юрыстаў даюць ідэолагі, дык казаць пра нейкую прававую справядлівасць не выпадае ў прынцыпе.

У сваім ліце галоўны ідэолаг Мінаблвыканкаму Руслан Трухан заявіў, што “мясцовыя выканаўчы і распарадчыя органы самастойна вызначаюць месцы, у якіх забаронена праводзіць пікетаванні з мэтай збору подпісаў выбаршчыкаў”. Адпаведныя рашэнні, па словах Р. Трухана, прымаюцца з улікам спецыфікі таго ці іншага рэгіёна і падставаў для ўнясення зменаў у рашэнне Любанскага райвыканкаму і прывядзення умоваў па збору подісаў на Салігорскай сельскай выбарчай акрузе №69 да адзінай нормы няма.

“Праваабаронцы за свабодныя выбары»

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international