Рэчыца: подпісы за кандыдата ад улады збіраюць, але дзе – невядома

2012 2012-07-31T21:30:07+0300 1970-01-01T03:00:00+0300 be http://spring96.org/files/images/sources/vashkou.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Адам Вашкоў, дырэктар Рэчыцкага метызнага завода

Адам Вашкоў, дырэктар Рэчыцкага метызнага завода

Па Рэчыцкай выбарчай акрузе зарэгістраваны дзве ініцыятыўныя групы па вылучэнні кандыдатаў у дэпутаты Палаты прадстаўнікоў. Адна з іх збірае подпісы за вылучэнне Адама Вашкова, дырэктара адкрытага акцыянернага таварыства “Рэчыцкі метызны завод”. Другая – за Антона Няфёдава, намесніка дырэктара прыватнага гандлёва-вытворчага прадпрыемства “Аліда і К”.

Антон Няфёдаў – прадстаўнік грамадскай кампаніі “Гавары праўду!”.

– Наша ініцыятыўная група дзейнічае ў асноўным метадам“ад дзвярэй да дзвярэй”, – паведаміў ён. – Гэта значыць, вядзем збор подпісаў па месцы жыхарства выбаршчыкаў. Плануюцца і пікеты па зборы подпісаў на вуліцах.

А як збірае подпісы кандыдат ад улады Адам Вашкоў? Назіральнік у акруговай выбарчай камісіі Валерый Пуціцкі кажа, што нічога не ведае пра гэта:

– Як збіраюць подпісы за Адама Вашкова, мне нічога невядома. Ні пра пікеты, ні пра пакватэрны абыход.

У рэчыцкай акрузе спрабавала зарэгістравацца і ініцыятыўная група вядомага апазіцыйнага палітыка Мікалая Статкевіча. Але акруговая выбарчая камісія ёй адмовіла, як і ў іншых рэгіёнах краіны. Прычына – Мікалай Статкевіч знаходзіцца ў зняволенні (нагадаем, што ён асуджаны пасля апошніх прэзідэнцкіх выбараў, калі вылучаўся кандыдатам у прэзідэнты).

А старшыня рэчыцкага райвыканкама Пётр Шостак вылучаецца не ў сваім раёне, а ў Буда-Кашалёўскай выбарчай акрузе – гэта Буда-Кашалёўскі, Веткаўскі, Чачэрскі і частка Жлобінскага раёна. У гэтых раёнах П. Шостак ніколі не жыў і не працаваў. Аднак, калі верыць мясцовым дзяржаўным газетам, карыстаецца вялікай папулярнасцю: менавіта яго вылучылі ў кандыдаты адразу два працоўныя калектывы – камунальнага жыллёвага ўнітарнага прадпрыемства “Чачэрскае” і Веткаўскай раённай бальніцы.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international