Слуцк: раёнка пра выбары маўчыць, на сайце незалежнай газеты разгараюцца дыскусіі

2012 2012-07-30T20:39:00+0300 1970-01-01T03:00:00+0300 be http://spring96.org/files/images/sources/forum-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Раённая газета «Слуцкі край» па-ранейшаму не заўважае парламенцкую кампанію і не інфармуе сваіх чытачоў пра ход збору подпісаў ініцыятыўнымі групамі чатырох прэтэндэнтаў у кандыдаты.

У нумары выдання за 27 ліпеня апублікаваны пералік участкаў для галасавання, месцы іх знаходжання і межы. Усяго на тэрыторыі Слуцкай выбарчай акругі № 67 створана 56 участкаў.

У той жа час навіны на тэму выбараў, размешчаныя на сайце рэгіянальнай газеты «Інфа-Кур'ер», збіраюць рэкордную колькасць каментароў. У абмеркаванні прымаюць удзел як самі прэтэндэнты ў кандыдаты, так і чытачы.

Случчакоў закранула за жывое выказванне прадпрымальніка Аляксандра Солапа пра тое, што ён ідзе ў дэпутаты не для таго, каб рамантаваць дарогі або ўкручваць лямпачкі ў пад'ездах.

«Дэпутат павінен займацца законатворчасцю, пакуль яго выбаршчыкі сядзяць у цемры і тонуць у лужынах, а ў гэты момант разглядаецца закон не пра ЖКГ?» - іранізуе чытач сайта.

Яшчэ адзін жыхар Слуцку ў словах прэтэндэнта адчуў грэбаванне да народа.

«Рамонт дарог - надзённая праблема. Асабліва трасы Мінск-Слуцк, на ўчастку, дзе сканчаецца бетонка, - піша ён. - Такое адчуванне, што чалавеку статус дэпутата патрэбен для прэстыжу, для рысоўкі перад знаёмымі. Цікава было б паслухаць-пачытаць яго праекты заканатворчасці. Ён сам разумее, у што лезе? Якую карысць прынясе для Слуцка? Праблемы лямпачак-дарог таксама ў кампетэнцыі дэпутатаў, калі яны не вырашаюцца ў рабочым парадку. А засядаць у парламенце, я думаю, кожны зможа».

Сярод чытачоў сайта kurjer.info ёсць і тыя, хто выступае за байкот выбараў.

Вось адно з меркаванняў: «Лукашэнка сказаў, што траціна парламента павінна застацца старой. Ён ужо вырашыў, колькі павінна застацца, колькі пераабрацца, і запэўніваю вас, роўна так і будзе. Змагацца трэба, безумоўна. Байкот і з’яўляецца адным са сродкаў барацьбы. Не прыйшоўшы на выбары, мы не дадзім магчымасці фальсіфікацый: няма яўкі - няма лукавых адсоткаў. Выбару пры гэтым рэжыме няма».

Такім чынам, сайт рэгіянальнага незалежнага выдання стаў форумам, дзе случчакі абменьваюцца думкамі, спрачаюцца і абмяркоўваюць парламенцкую кампанію.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international