Ярмошына: “Ажыццяўляюцца спробы поўнамаштабнага байкоту”

2012 2012-07-30T13:57:00+0300 1970-01-01T03:00:00+0300 be http://spring96.org/files/images/sources/jarmoshyna-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Старшыня Цэнтрвыбаркаму Лідзія Ярмошына

Старшыня Цэнтрвыбаркаму Лідзія Ярмошына

Старшыня Цэнтральнай камісіі па выбарах Лідзія Ярмошына скардзіцца, што выбаршчыкам раскідваюць улёткі з залікам да байкоту парламенцкіх выбараў.

“Ажыццяўляюцца спробы поўнамаштабнага байкоту. Ужо з’явіліся першыя ластаўкі – незаконныя друкаваныя выданні, якія ў негатыўным ключы прэзентуюць улады і выбары. Гэтыя ўлёткі бясплатна ўкідваюць у скрыні выбаршчыкаў. Усё гэта спробы арганізаваць палітычныя правакацыі, накіраваныя супраць выбараў, якія праходзяць у нашай краіне”, - лічыць яна.

Ва ўнісон Ярмошынай насцярогу выказвае і Лукашэнка: “Восенню нам трэба правесці чарговыя парламенцкія выбары. Гэта акурат той момант, калі адбываецца актывацыя як за межамі краіны, так і ўнутры тых, хто страшэнна ненавідзіць нашу Беларусь і каму не падабаецца існуюючая сітуацыя”.

Старшыня ЦВК таксама папулярызуе дзейсных дэпутатаў: “Гэта вельмі прыстойныя людзі. Практычна ўсе яны высокія спецыялісты з выдатнай кар’ерай. Ужо само па сабе гэта з’яўляецца аб’ектыўным пацверджаннем іх высокіх якасцяў як прафесіяналаў у гэтай вобласці”.

Дакладнай інфармацыі, колькі дэпутатаў Палаты прадстаўнікоў дзейснага склікання будзе балатавацца паўторна, пакуль няма. З 330 асобаў,чые ініцыятыўныя групы былі зарэгістраваныя, дэпутатамі з’яўляюцца 19 чалавек. Гэта прыкладна 5% ад агульнай колькасці патэнцыйных кандыдатаў, якія зарэгістравалі ініцыятыўныя групы. Сярод іх – старшыня Палаты прадстаўнікоў Уладзімір Андрэйчанка і яго намеснік Віктар Гумінскі. Аднак гэта лічба яшчэ будзе змяняцца, бо дэпутаты могуць абраць іншы спосаб вылучэння – напрыклад, ад працоўнага калектыва.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international