Рагачоў: міліцыя затрымала мінакоў, якія перашкаджалі пікетчыкам “Гавары праўду!”

2012 2012-07-29T09:33:10+0300 1970-01-01T03:00:00+0300 be http://spring96.org/files/images/sources/ragachou-zbor-podpis-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У суботу ў Рагачове адбыўся першы пікет па збору подпісаў за прадстаўніка кампаніі “Гавары праўду” Дзяніса Дашкевіча. Не абышлося і без эксцэсаў: міліцыя затрымала некалькіх мужчын, якія спрабавалі справакаваць сябраў ініцыятыўнай групы патэнцыйнага кандыдата.

Крыху больш як за дзве гадзіны сябры ініцыятыўнай групы змаглі сабраць 22 подпісы. На пікет прыйшоў і сам патэнцыйны кандыдат у дэпутаты па Рагачоўскай акрузе Дзяніс Дашкевіч.

–Пікеты мы выкарыстоўваем як дадатковую магчымасць расказаць пра нашага кандыдата, – распавядае адзін з пікетчыкаў. – У асноўным, канешне, разлічваем на збор подпісаў па кватэрах. За гэты час мы ўжо змаглі сабраць больш за 400 подпісаў. Людзі актыўна падпісваюцца, таму што добра ведаюць Дашкевіча і яго каманду ў горадзе.

Нагадаем, гэтай вясной Дзяніс Дашкевіч разгарнуў у Рагачове кампанію па збору подпісаў за вяртанне “Дажынак”. Многія рагачоўцы актыўна падтрымалі Дашкевіча і падпісваліся пад ініцыятывай, якая была накіравана ў розныя інстанцыі.

Праз гадзіну да пікетчыкаў падыйшло некалькі мужчын, якія пачалі абражаць пікетчыкаў і асабіста Дашкевіча. Сябры ініцыятыўнай групы былі вымушаны вызваць праваахоўнікаў, якія і затрымалі хуліганаў.

–Дарэчы, мы запрашалі міліцыю на пікет, каб тыя глядзелі за грамадскім парадкам у раёне, дзе мы робім сёння пікет, але міліцыянты ветліва адмовіліся і прасілі тэлефанаваць, калі нешта здарыцца, – кажа Дзяніс Дашкевіч.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international