У Бабруйску пачаўся сезон пасквіляў?

2012 2012-07-27T14:35:19+0300 1970-01-01T03:00:00+0300 be http://spring96.org/files/images/sources/bj-gazeta.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Газета гарвыканкама “Бабруйскае жыццё” надрукавала ў № 53-м артыкул пад назвай “Большое счастье господина Борзова”, у якім “перамывае косткі” аднаму з мясцовых грамадскіх актывістаў.

Прозвішча гэтага бабруйчаніна аўтар Наталля Цеплякова замяніла на “Барзоў”, але яго асоба адразу адгадваецца, па пэўных біяграфічных фактах, якія прыводзяцца ў тэксце.

За кампанію з “Барзовым” аўтар “БЖ” прайшлася і па незалежных журналістах, удзельніках серадовых маўклівых акцый і Народнага сходу. “Смешна становіцца і ад іх  (акцый) фармата – вывешванне сцягоў, плясканне ў ладкі… Ну прама як дзеці!”  Таксама Наталля Цеплякова сцвярджае, што ўсе маладыя людзі-аднапартыйцы “Барзова”, гэта адкіды грамадства.

“Тут не ўбачыш ні аднаго маладога чалавека з вышэйшай адукацыяй, наадварот, каго ні ўзяць – за плячыма цэлы букет адміністратыўных і крымінальных артыкулаў, пачынаючы ад дробных хуліганстваў і кіравання аўтатранспартным сродкам у п’яным выглядзе і сканчваючы крадзяжамі, рабаваннямі, махлярствамі, нанясеннем цялесных пашкоджанняў рознай ступені цяжкасці, ужываннем наркатычных сродкаў”, - прычэсвае ўсіх пад адзін грабянец аўтар газеты гарвыканкама.

Варта адзначыць, што гэты грамадскі актывіст не бярэ ўдзелу ў выбарах, і раптоўнае з’яўленне дадзенага “твора” у яго адрас незразумелае. Нагадаем, што падчас мінулых парламенцкіх выбараў менавіта гэтая газета адзначылася злоснымі пасквілямі ў бок усіх дэмакратычных кандыдатаў у дэпутаты. Магчыма, гэтая рубрыка “БЖ”, што носіць назву “Сваімі імёнамі”, толькі распачынае цыкл сваіх тыпова “выбарчых” атрыкулаў.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international