ЦВК аспрэчыла заяву Лукашэнкі аб фальсыфікацыі прэзыдэнцкіх выбараў

2006 2006-11-24T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

“Цэнтрвыбаркам не валодае фактамі фальсыфікацыі прэзыдэнцкіх выбараў. Усе вынікі былі падведзеныя на падставе пратаколаў галасаваньня і выказваюць рэальнае волевыяўленьне выбаршчыкаў”, – пракамэнтаваў АФН сакратар ЦВК Мікалай Лазавік заяву А.Лукашэнкі аб тым, што апошнія прэзыдэнцкія выбары ў Беларусі былі сфальсыфікаваныя.

Нагадаем, што ўчора Аляксандр Лукашэнка падчас прэс-канферэнцыі для ўкраінскіх журналістаў заявіў, што прэзыдэнцкія выбары, якія адбыліся ў сакавіку цяперашняга года, былі сфальсыфікаваныя ў карысьць апанэнтаў.

“Падчас гэтых выбараў за мяне прагаласавала 93,5%. Але, мы зрабілі 86%. Нам сказалі, гэта не эўрапейскі працэнт”, – сказаў А.Лукашэнка. “Еўропа сказала нам, што гэта не эўрапейскі працэнт. Вось зробіце эўрапейскі працэнт, і мы прызнаем Вашыя выбары”, – растлумачыў Лукашэнка. Вось таму, па яго словах, і прыйшлося змяняць працэнт тых, хто галасаваў, каб панізіць працэнт да “эўрапейскага ўзроўню”. “Але калі зараз пералічыць усе бюлетэні”, – пачаў было Лукашэнка, але, здаецца, зразумеў, што пачынае перахіляць, і пасьля паўзы скончыў тэму фразай “Я наогул ня ведаю, што рабіць з гэтымі бюлетэнямі”.

Па афіцыйных дадзеных ЦВК Беларусі за Лукашэнка прагаласавала 83%.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international