На Гомельшчыне адмоўлена ў рэгістрацыі шасці ініцыятыўным групам

2012 2012-07-25T11:11:39+0300 1970-01-01T03:00:00+0300 be http://spring96.org/files/images/sources/gomelskaja_vobl.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

24 ліпеня акруговыя камісіі Гомельскай вобласці завяршылі рэгістрацыю ініцыятыўных груп па збору подпісаў за вылучэнне кандыдатаў у дэпутаты. Па афіцыйнай інфармацыі, было пададзена 47 заяў на рэгістрацыі ініцыятыўных груп, з якіх 41 заява была задаволена (на 17 створаных акруг).

Па афіцыйнай інфармацыі, сярод патэнцыйных кандыдатаў – 37 беспартыйных, чатыры заяўнікі з'яўляюцца сябрамі партыі левых «Справядлівы свет» і Беларускай сацыял-дэмакратычнай партыі (Грамада). На пачатку жніўня партыя левых «Справядлівы свет» правядзе сход, на якім будуць вылучаны кандыдаты ў дэпутаты, у тым ліку і ў Гомельскай вобласці. Таксама будуць вылучацца кандыдаты ў дэпутаты і ад АГП, але яны будуць удзельнічаць, пры умове рэгістрацыі, да пэўнага этапу выбарчай кампаніі.

Прычынамі адмовы шасці ініцыятыўным групам у рэгістрацыі называецца тое, што патэнцыйныя кандыдаты не самі падавалі дакументы: у адным выпадку дакументы на рэгістрацыю былі накіраваны на пошце, ці дакументы былі пададзены асобамі, не ўпаўнаважанымі дзейнічаць ад імя патэнцыйнага кандыдата.

У Гомельскай вобласці створаны 1098 выбарчых участкаў, на шэсць менш, чым на мінулых выбарах.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international