Баранавічы: Назіральнік абскардзіць дзеянні старшыні акруговай камісіі Латышавай

2012 2012-07-24T12:05:45+0300 1970-01-01T03:00:00+0300 be http://spring96.org/files/images/sources/housha-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Праваабаронца Сяргей Гоўша (Баранавічы)

Праваабаронца Сяргей Гоўша (Баранавічы)

Пасля завяршэння 23 ліпеня другога пасяджэння камісіі Баранавіцкай-Заходняй выбарчай акругі № 5 назіральнік Сяргей Гоўша звярнуўся да яе старшыні Таццяны Латышавай з просьбай паглядзець пратакол №1 пасяджэння камісіі. Таццяна Латышава ў катэгарычнай форме адмовіла назіральніку ў прадастаўленні пратакола.

– З такім падыходам старшыні акруговай камісіі я цалкам не згодны, бо паводле нашага заканадаўства падрыхтоўка і правядзенне выбараў любога ўзроўня здзяйсняецца адкрыта і галосна. Артыкул 34 Канстытуцыі РБ гарантуе нам права на атрыманне, захоўванне і распаўсюд поўнай, сапраўднай і своечасовай інфармацыі аб дзейнасці дзяржаўных органаў. Аб адкрытасці і галоснасці паведамляецца і ў частцы 1 артыкула 13 Выбарчага кодэкса. Але акруговыя камісіі па-ранейшаму, як на папярэдніх, так і на цяперашніх выбарах, утойваюць інфармацыю, – патлумачыў Сяргей Гоўша.

Назіральнік мае намер накіраваць скаргу ў Цэнтральную камісію па выбарах на неправамоцныя дзеянні старшыні акруговай камісіі Таццяны Латышавай.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international