Башарымаву прад’явілі абвінавачванне

2012 2012-07-24T11:08:28+0300 1970-01-01T03:00:00+0300 be http://spring96.org/files/images/sources/00-00.jpg
Шведскі "дэсант мядзведзіроўшчыкаў"

Шведскі "дэсант мядзведзіроўшчыкаў"

Ён падазраецца ў «дапамозе незаконнаму перасячэнню мяжы Рэспублікі Беларусь».

Паводле Charter97.org, сталічнаму рыэлтару Сяргею Башарымаву 16 ліпеня прад’явілі абвінавачванне па ч. 3 арт. 371 КК «Незаконнае перасячэнне Дзяржаўнай мяжы Рэспублікі Беларусь». Пацвярджэння інфармацыі пра абвінавачванне Башарымаву з афіцыйных крыніц пакуль няма.

Арганізатар палёту медзведзіроўшчыка швед Кромвэл заявіў, што з Башарымавым кантактаваў толькі ў справе зняцця кватэры ў Мінску. Насамрэч, Башарымаў займаўся здачай у арэнду ў тым ліку адной з кватэр насупраць Адміністрацыі прэзідэнта. У той жа час Кромвэл заяўляў, што ў Мінску ў іх напагатове быў чалавек, гатовы сфатаграфаваць скіданне мядзведзікаў. Магчыма, беларускія спецслужбы мяркуюць, што гэтым чалавекам мог быць Башарымаў.

Шведы, у сваю чаргу, ручаюцца, што ажыццявілі сваю акцыю без падтрымкі беларусаў, бо не хацелі падстаўляць іх пад удар. Хто афармляў запрашэнні для шведаў, каб яны маглі аформіць візы? Кромвэл кажа, што гэта было тое самае рыэлтарскае агенцтва Башарымава.

Абсурднасці сітуацыі дадае той момант, што беларускія ўлады дагэтуль не прызналі факту скідання мядзведзікаў. І, тым не менш, адначасова расследуецца крымінальная справа.

Сваім палётам група шведаў хацела звярнуць увагу на парушэнні свабодаў чалавека ў Беларусі. Ім гэта ўдалося. А новыя арышты ў Мінску выклічуць новую хвалю публікацый у сусветных СМІ.

Сяргею Башарымаву пагражае суровае пакаранне — ад 3 да 7 гадоў пазбаўлення волі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international