Цэнтрвыбаркам прызнаў, што не размяшчае ўсе свае пастановы на сайце

2012 2012-07-23T13:50:26+0300 1970-01-01T03:00:00+0300 be http://spring96.org/files/images/sources/jarmoshyna-cvk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Лідзія Ярмошына, старшыня Цэнтрвыбаркама

Лідзія Ярмошына, старшыня Цэнтрвыбаркама

Аднак старшыня ЦВК Лідзія Ярмошына ў сваім адказе, які атрымаў магілёўскі праваабаронца Барыс Бухель, выказала неразуменне, як неразмешчаныя пастановы аб камандзіраванні членаў ЦВК, аб зацвярджэнні справаздач аб службовых камандзіроўках, альбо аб прадастаўленні адпачынку ёй абмяжоўваюць правы і законныя інтарэсы выбаршчыкаў.

Лідзія Ярмошына таксама адзначыла, што сцвярджэнне Барыса Бухеля  аб тым, што сайт Цэнтральнай камісіі не адпавядае палажэнню дзеючага заканадаўства аб парадку функцыявання інтэрнэт-сайтаў дзяржаўных органаў і арганізацый, з’яўляецца безпадстаўным, а на некарэктнасць і безапеляцыйнасць высноваў праваабаронцы яна звяртала ўвагу ў сваім адказе яшчэ ў 2010 годзе.

Тым часам Барыс Бухель адзначае, што ў ч.1 арт 321 Выбарчага кодэкса не пазначаны ніякія абмежаванні для прынцыпаў адкрытасці і галоснасці працы Цэнтрвыбаркама.

“Першым і галоўным пытаннем усіх, без выключэння, выбарчых кампаній з’яўляецца пытанне аб даверу да выбарчых камісій. Па-другое – усе камандзіроўкі членаў ЦВК падчас выбарчых кампаній звязаны з забеспячэннем і рэгуляваннем хода гэтых кампаній на месцах. Гэты працэс цікавы ўсім удзельнікам выбарчага працэсу”, - кажа Барыс Бухель.

“Відавочна, што ўсе дэмакратычныя партыі і грамадскія аб’яднанні хацелі б загадзя ведаць аб камандзіроўках членаў ЦВК у рэгіёны і мэтах гэтых камандзіровак, каб своечасова накіроўваць сваіх назіральнікаў на сустрэчы членаў ЦВК з мясцовымі органамі ўлады і членамі выбарчых камісій на месцах і тым самым без пасярэднікаў ведаць, чаму члены ЦВК вучуць мясцовыя выбаркамы і якія ім даюць інтсрукцыі, а таксама аб чым яны дамаўляюцца з мясцовымі ўладамі”, - працягвае праваабаронца.

Барыс Бухель кажа, што ўсім актыўным ўдзельнікам выбарчага працэсу было б цікава ведаць аб службовых камандзіроўках, што ў справаздачах аб іх, наколькі яны абгрунтаваныя і аб’ектыўныя, наколькі абгрунтаваныя рашэнні ЦВК па гэтых справаздачах.

“Тым болей, што падчас выбарчых кампаній у адпачынак члены ЦВК не ходзяць, а калі ўсё ж такое адбываецца, то гэта выклікае законны інтарэс выбаршчыкаў”, - гаворыць праваабаронца.

Нагадаем, што на дадзеным момант неразмешчанымі на сайце Цэнтрвыбаркама, па падліках праваабаронцы Барыса Бухеля, з’яўляюцца мінімум 47,37% усіх яго пастаноў. Падчас двух выбарчых кампаній 2010 года на сайце адсутнічала болей за 83% гэтых пастановаў. Тады Вярхоўны суд адмовіўся разглядаць скаргу праваабаронцы на ЦВК спаслаўшыся на тое, што Цэнтрвыбаркам яму не падсудны.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international