Салігорск: Забарона велапрабегу абскарджваецца ў Мінскім абласным судзе

2012 2012-07-20T12:12:05+0300 1970-01-01T03:00:00+0300 be http://spring96.org/files/images/sources/velaprabeg-sal.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Салігорскі маладафронтавец Андрэй Тычына накіраваў скаргу на забарону масавага мерапрыемства ў выглядзе велапрабегу ў Мінскі абласны суд.

Нагадаем, 8-га мая маладзён звярнуўся ў Салігорскі выканкам з заявай на правядзенне ў Салігорску велапрабегу-пратэсту супраць вынікаў рэферэндуму, праведзенага 14 мая 1995 года ў Рэспубліцы Беларусь, па выніках якога бел-чырвона-белы сцяг і герб "Пагоня" страцілі статус дзяржаўнай сімволікі. Старшыня райвыканкаму Аляксандр Рымашэўскі правядзенне веларпабегу забараніў. Маладафронтавец абскардзіў гэтае рашэнне ў судзе Салігорскага раёна, які 4 ліпеня вынес рашэнне аб адмове ў задавальненні скаргі і ў дадатак спагнаў з хлопца 5900 рублёў ў даход дзяржавы. Цяпер маладзён шукае праўды ў абласным судзе.

У сваёй скарзе Андрэй Тычына звяртае ўвагу суда не толькі на відавочную неадпаведнасць вынесеных рашэнняў нацыянальнаму заканадаўству, але і спасылаецца на міжнародныя номы і дамовы ў галіне правоў чалавека, ратыфікаваныя Рэспублікай Беларусь. У прыватнасці, маладзён апелюе да артыкулаў 19 і 21 Міжнароднага пакта аб грамадзянскіх і палітычных правах, якія гарантуюць свабоду выказвання свайго меркавання і права на мірныя сходы.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international