На сайце Любанскага выканкаму з’явіўся спіс забароненых месцаў

2012 2012-07-17T18:02:41+0300 1970-01-01T03:00:00+0300 be http://spring96.org/files/images/sources/kirpich-znak.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Толькі 17 ліпеня на сайце Любанскага выканкаму было апублікавана рашэнне аб вызначэнні месцаў, забароненых для правядзення пікетаванняў з мэтаю збору подпісаў выбарцаў, хоць вылучэнне кандыдатаў у дэпутаты пачалося яшчэ 15 ліпеня. Пры гэтым ні нумару рашэння, ні даты яго прыняцця ў апублікаваным варыянце няма.

Тэрыторыя Любанскага раёну на гэтых выбарах ўваходзіць у склад Салігорскай сельскай выбарчай акругі №69. Такім чынам грамадзяне, якія вырашылі вылучыць свайго кандыдата па дадзенай акрузе шляхам збору подпісаў, два дні наўпрост не ведалі, дзе гэта можна рабіць легальна.

Зрэшты, азнаёміўшся з тэкстам рашэння можна прыйсці да высновы, што публічных месцаў для правядзення пікетаў па зборы подпісаў на тэрыторыі Любанскага раёну практычна няма. Паводле дакумента забаронена правядзенне пікетаванняў з мэтай збору подпісаў на адлегласці менш за 50 метраў ад будынкаў мясцовых прадстаўнічых, выканаўчых і распарадчых органаў, суда, пракуратуры, тэрыторый арганізацый, якія забяспечваюць абароназдольнасць, бяспеку дзяржавы і жыццядзейнасць насельніцтва (грамадскі транспарт, прадпрыемствы вода-, цепла- і энергазберажэння, бальніцы, паліклінікі, дзіцячыя дашкольныя ўстановы, агульнаадукацыйныя ўстановы).

Адзначым той факт, што на тэрыторыі Салігорскага раёну, частка якога таксама ўваходзіць у Салігорскую сельскую выбарчую акругу №69, пікеты па зборы подпісаў каля арганізацый, якія забяспечваюць жыццядзейнасць насельніцтва, не з’яўляюцца забароненымі.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international