Вылучэнне кандыдатаў: інфармацыя з рэгіёнаў

2012 2012-07-15T15:31:57+0300 1970-01-01T03:00:00+0300 be http://spring96.org/files/images/sources/plakat_1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Выстава палітычнай налепкі

Выстава палітычнай налепкі

Брэст

Кіраўнікі абласной і гарадской арганізацый Беларускай сацыял-дэмакратычнай партыі (Грамада) Ігар Маслоўскі і Ганна Канюс не здолелі з першай спробы падаць дакументы на рэгістрацыю сваіх ініцыятыўных груп па збору подпісаў за вылучэнне кандыдатамі ў дэпутаты Палаты прадстаўнікоў.

Як распавёў Ігар Маслоўскі, спачатку заявы на фармаванне ініцыятыўных груп у яго адмовіліся прымаць у Брэсцкай-Цэнтральнай выбрачай акрузе №2, а ў Ганны Канюс – у Брэсцкай-Заходняй акрузе №1. У абодвух выпадках у акруговых выбаркамах спасылаліся на тое, што час для фармавання ініцыятыўных груп яшчэ не наспеў, і прымаць адпаведныя заявы яны пачнуць 15 ліпеня. Старшыням выбрачых камісій спатрэбілася кансультацыя з прастаўнікамі аблвыканкаму, каб урэшце прыняць заяўкі ад сацыял-дэмакратаў. Па словах Маслоўскага, гэты прыклад цудоўна ілюструе ўзровень дасведчанасці тых, каго абралі кіраваць выбаркамі на мясцовым узроўні.

І Ігар Маслоўскі, і Ганна Канюс збіраюцца паўнавартасна ўдзельнчаць ва ўсіх этапах выбарчай кампаніі і выкарыстоўваць любыя легальныя магчымасці для распаўсюджвання сярод выбаршчыкаў ведаў пра сацыял-дэмакратычныя каштоўнасці. У абедзьвюх ініцыятыўных групаў па вылучэнню гэтых асобаў будзе па 70 чалавек.

 

Пінск

Сябра Партыі БНФ Аляксандр Рамановіч выказаў жаданне паўдзельнічаць у выбарах у ПП НС па Пінскай гарадской выбарчай акрузе №14. Ён будзе вылучацца ад сваёй партыі і плануе выкарыстаць кампанію для інфармавання насельніцтва аб сітуацыі ў краіне. Спадар Рамановіч прымае удзел амаль ва ўсіх выбарчых кампаніях, мае досвед працы ва ўчастковай выбарчай камісіі.

Пра магчымы ўдзел у выбарах іншых кандыдатаў пакуль інфармацыі няма.

 

Полацк          

Віцебская актывістка, каардынатар кампаніі «Гавары праўду» па Віцебскай вобласці Лідзія Сагідуліна падала дакументы на рэгістрацыю ініцыятыўнай групы па Полацкай гарадской выбарчай акрузе № 28. У склад групы ўжо ўваходзяць больш за 40 чалавек, аднак Лідзія Дзмітрыеўна збіраецца дапоўніць існуючы спіс. Па словах актывісткі, яна, віцябчанка, збіраецца балатавацца ў Полацку, таму што гэта вельмі важны для краіны горад, а мясцовыя актывісты кампаніі «Гавары праўду» па шэрагу прычын не могуць вылучаць свае кандыдатуры на маючых адбыцца выбарах.

“Праваабаронцы за свабодныя выбары”

Апошнія навіны

Партнёрства

Сяброўства