Слуцк: Выраз “новы дэпутат” з вуснаў старшыні камісіі гучаў двухсэнсоўна

2012 2012-07-13T12:25:02+0300 1970-01-01T03:00:00+0300 be http://spring96.org/files/images/sources/sluck-amialkovich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віталь Амяльковіч

Віталь Амяльковіч

Назіральнік БХК Віталь Амяльковіч, які 12 ліпеня зарэгістраваўся ў Слуцкай акруговай выбарчай камісіі, прысутнічаў на другім яе паседжанні, дзе сабралася 11 сябраў з 13.  

Узначаліў камісію нязменны на працягу апошніх выбарчых кампаній Аляксандр Андрушкевіч, дырэктар Слуцкага філіяла дзяржаўнага прадпрыемства “Мінаблпаліва”. Былы намеснік старшыні Слуцкага райвыканкама па ідэалогіі пенсіянер Пётр Даўгучыц стаў намеснікам старшыні камісіі. Загадчык юрыдычнага сектара райвыканкама Юрый Скрыган абраны сакратаром камісіі, і абіраецца ён ў гэтай якасці з выбарчай кампаніі 2008 года.

На паседжанні камісія зацвердзіла па ўзгадненні з Слуцкім райвыканкамам падзел акругі на 56 выбарчых участкаў.

Аляксандр Андрушкевіч нагадаў пра абавязкі сябрам камісіі: ад рэгістрацыі ініцыятыўных групаў да ўручэння пасведчання новаму дэпутату. Пасля яго прамовы ў залі павісла цішыня. У сітуацыі, калі дзеючая дэпутат па Слуцкай акрузе Інэса Кляшчук адмаўляецца кантактаваць з прадстаўнікамі незалежнай прэсы, шырокай аўдыторыі пакуль не вядома, хто будзе прэтэндаваць на дэпутацкі мандат ад улады. Таму выраз “новы дэпутат” з вуснаў старшыні камісіі гучаў двухсэнсоўна.

Калі ў сябраў камісіі ўзнікла пытанне, якія памылкі сустракаюцца ў ініцыятыўных групаў прэтэндэнтаў у кандыдаты, слова ўзяў намеснік старшыні Пётр Даўгучыц. Высветлілася, што ён, хоць і ўпершыню працуе ў складзе камісіі, аказаўся вельмі дасведчаным у гэтай тэме.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international