Рэчыца: сам прапанаваў, сам прагаласаваў

2012 2012-07-11T17:55:02+0300 1970-01-01T03:00:00+0300 be http://spring96.org/files/images/sources/shostak.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Пётр Шостак, старшыня Рэчыцкага райвыканкама

Пётр Шостак, старшыня Рэчыцкага райвыканкама

Першае паседжанне Рэчыцкай акруговай выбарчай камісіі прайшло пад пільным наглядам старшыні райвыканкама. Ён і вёў паседжанне, і прапанаваў, каго абраць старшынём камісіі, і нават галасаваў. Пры гэтым сам Пётр Шостак у камісію не ўваходзіць.

Пра гэта распавёў старшыня Гомельскай абласной Рады Партыі БНФ Валерый Пуціцкі, які накіраваны ў камісію ў якасці назіральніка ад групы грамадзян:

– Старшыня райвыканкама Пётр Шостак вёў паседжанне. І кажа, што трэба абраць старшыню камісіі. Я чакаў, што хто-небудзь з камісіі скажа, каго маўляў, прапаную абраць старшынём.

Але і кандыдатуру на пасаду старшыні прапанаваў сам Пётр Шостак. А затым і прагаласаваў за яе.

– Прапаную, кажа, абраць старшынём Віталя Атаманчука – гэта намеснік старшыні райвыканкама па ідэалогіі, які і раней неаднойчы ўзначальваў выбарчыя камісіі, – працягвае Валерый Пуціцкі. –  І сам першы падняў руку, галасуючы. Хоць ён не ўваходзіць у камісію. І астатнія прагаласавалі.

Акруговыя выбарчыя камісіі па выбарах у Палату прадстаўнікоў фарміраваліся абласнымі ўладамі. Уся камісія складаецца з людзей, падабраных уладай. Нікога з апазіцыі не ўключылі, а былі вылучаны трое: Васіль Гулай ад Аб'яднанай грамадзянскай партыі, Уладзімір Шэін ад партыі «Справядлівы свет» і Алег Карбалевіч ад Партыі БНФ.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international