Баранавічы: кіраўнік акруговай камісіі абраны з падачы выканкаму

2012 2012-07-10T22:12:09+0300 1970-01-01T03:00:00+0300 be http://spring96.org/files/images/sources/baran-akrug-kamis-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

10 ліпеня ў малой зале гарвыканкама адбылося першае пасяджэнне акруговай камісіі Баранавіцкай-Заходняй выбарчай акругі № 5, якое адкрыла загадчыца аддзела арганізацыйна-кадравай працы гарвыканкама Дудко Вольга. Яна прапанавала абраць старшынёй акруговай выбарчай камісіі Таццяну Латышаву. Спадарыня Латышава неаднаразова раней кіравала акруговымі камісіямі падчас парламенцкіх выбараў, а сёлета была вылучана ад рэспубліканскага камітэта Беларускага прафесійнага саюза працоўных дзяржаўных і іншых устаноў. Назіральнік ад Баранавіцкай гарадской арганізацыі Таварыства беларускай мовы Сяргей Гоўша задаў пытанне прадстаўніцы гарвыканкама:

– 9 ліпеня рашэннем Брэсцкага абласнога Савета дэпутатаў і Брэсцкага аблвыканкама была створана Баранавіцкая-Заходняя выбарчая акруга № 5, якая з гэтага моманту павінна быць незалежнай ад усіх галін улады. Гарвыканкам арганізуе толькі першае пасяджэнне. Акруговая ж камісія сама павінна абраць сабе кіраўніцтва. Чаму Баранавіцкі гарвыканкам спрабуе кіраваць працай акруговай камісіі?

Супрацоўніца гарвыканкама ўхілілася ад прамога адказу на пастаўленае пытанне і працягнула сваю працу, не звяртаючы ўвагі на заўвагу назіральніка.

 

Фота: загадчыца аддзела арганізацыйна-кадравай працы Баранавіцкага гарвыканкама Дудко Вольга адкрывае першае пасяджэнне камісіі Баранавіцкай-Заходняй выбарчай акругі № 5

 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international