У “Светлым шляху” замест выбарчых падзеяў – анонсы святаў

2012 2012-07-10T13:17:30+0300 1970-01-01T03:00:00+0300 be http://spring96.org/files/images/sources/svietlyshliahsmargon.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Да гэтага часу шэраговы жыхар Смаргоні, чэрпаючы інфармацыю з мясцовых СМІ, не змог бы даведацца пра пачатак выбарчай кампаніі.

На цяперашні момант,10 ліпеня, на афіцыйным сайце Смаргонскага райвыканкама не існуе раздзела “Выбары”, немагчыма знайсці адпаведных дакументаў, згодна з якімі Смаргонскі раён рыхтуецца да гэтай падзеі. Калі вельмі пастарацца – па тэме выбараў на сайце зараз можна ўбачыць толькі невялікі артыкул паводле БЕЛТА, прысвечаны колькасці акруговых выбарчых камісій на Гарадзеншчыне. Размешчана гэта інфармацыя ў рубрыцы “Навіны рэгіёна” паміж матэрыяламі пра камбайны парк рэгіёна і пра кніжныя выставы.

Адзінае мясцовае друкаванае выданне, райвыканкамаўская газета “Светлы шлях”, таксама маўчыць пра выбары. Да прыкладу – у апошніх нумарах газеты матэрыялы першых старонак былі прысвечаны вынікам праверкі дзяржкантролю, працы падатковых органаў, вялізная плошча адведзена на рубрыку “Зялёнае жніво”, і ўрэшце, на месцы, дзе звычайна размешчаны важныя грамадска-палітычныя навіны, у апошнім нумары – анонс будучага свята “Залессе запрашае сяброў”.

Пакуль тэма парламенцкіх выбараў не падаецца актуальнай і стваральнікам незалежнага сайта smorgon.org.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international