Андрэю Молчану прысудзілі штраф за несанкцыянаваны пікет

2012 2012-07-04T16:11:43+0300 1970-01-01T03:00:00+0300 be http://spring96.org/files/images/sources/mouchan.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрэй Моўчан. Фота: charter97.org

Андрэй Моўчан. Фота: charter97.org

У судзе Першамайскага раёна адбылося слуханне па справе актывіста "Еўрапейскай Беларусі”. 19 траўня ў знак салідарнасці са зняволеным віцебскім апазіцыянерам Сяргеем Каваленкам ён разгарнуў бел-чырвона-белы сцяг у Мінску, за што быў жорстка збіты міліцыянтамі. Яму было вынесена абвінавачваюць па артыкуле 23.34 КаАП - несанкцыянаванае пікетаванне. Суддзя - Сяргей Анатольевіч Люштык.

15:40

У пачатку працэса суддзя адхіліў хадатайніцтва аб разглядзе відэаматэрыялаў, знятых каля будынку Першамайскага РАУС.

15:50

Андрэй Малчанаў дае паказанні. Па ягоных словах, 19 траўня ён разгарнуў бел-чырвона-белы сцяг у падтрымку палітвязня Сяргея Каваленкі. Калі гэта ўбачылі міліцыянты, яны пачалі вырываць у яго сцяг. Потым апранулі кайданкі і пачалі яго збіваць. Падчас збіцця Андрэй Молчан некалькі разоў губляў прытомнасць.

16:00

На судзе выступае першы сведка - міліцыянт Аляксандр Куцко, 1991 года нараджэння.

16:10

Другі сведка - Віктар Ігнатовіч. На пытанні адказвае невыразна. Абодва сведкі - салдаты тэрміновай службы ў войску. Сведкі-міліцыянты паведамілі, што культурна прасілі прыбраць Молчана сцяг, аднак ён пачаў агрэсіўна рэагаваць на гэта, біў нагамі па службовым аўтамабілі і патрапіў нагой у твар аднаму з міліцыянтаў. Менавіта з-за гэтага яны вымушаныя былі надзець яму кайданкі.

16:30

У якасці сведкі выступае сястра Андрэя Молчана - Ганна.

17:00

Андрэй Молчан прызнаны вінаватым у парушэнні арт. 23.34 КаАП. Суд прызначыў пакаранне - штраф 8 базавых велічыняў (800 тысяч рублёў). Суддзя Люштык падчас працэсу не прыняў да ўвагі збіццё Молчана, пацверджанае медыцынскай экспертызай. І наогул праігнараваў гэты факт.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international