Гепракуратура: хлусня салігорскіх міліцыянтаў не трапляе пад крымінальную адказнасць

2012 2012-06-30T09:33:24+0300 1970-01-01T03:00:00+0300 be http://spring96.org/files/images/sources/saligorsk-kantakt-12.06.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Генеральная пракуратура фактычна прызанала той факт, што супрацоўнікі Салігорскага РАУС схлусілі ў сваіх сведчаннях ў судзе і пракуратуры Салігорскага района. Адбылося гэта падчас разбіральніцтва па справе аб адвольных затрыманнях былога падпалкоўніка міліцыі Віктара Малочкі на мінулагадовых акцыях “маўклівага” пратэсту.

- Пасля з’яўлення ў сеціве інфармацыі аб маіх мытарствах на шляху да праўды, намеснік Генпракурора А. М. Лашын, хоць і са спазненнем, але ўсё ж даў адказ на скаргу, - кажа Віктар Малочка.

Ва ўзбуджэнні крымінальнай справы былому падпалкоўніку было адмоўлена на той падставе, што ілжывыя тлумачэнні салігорскіх міліцыянтаў, у тым ліку кіраўніка начальніка аддзела аховы правапарадку і прафілактыкі Георгія Крывальцэвіча, у пракуратуры Салігорскага раёна былі дадзены да ўзбуджэння крымінальнай справы. А хлусьня супрацоўнікаў Салігорскага РАУС у судзе пад час разгляду грамадзянскага пазову Віктара Малочкі па гэтай справе, на думку намесніка Генпракурора, не паўплывала на абгрунтаванасць прынятага судом рашэння.

- Калі Генпракуратура лічыць, што хлусня маіх былых калегаў не была істотнай, дык хай тады патлумачыць хто ўсё ж і як мяне затрымліваў у гэтак званыя “маўклівыя” серады мінулым летам, - падсумоўвае падпалкоўнік у адстаўцы.

Па словах Віктара Малочкі, у бліжэйшыя дні ён звернецца за адпаведнымі тлумачэннямі непасрэдна да Генеральнага пракурора.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international