Інваліда аштрафавалі як ваеннаабавязанага за адмову ад дактыласкапіі

Ігар Леўчанка з Белаазёрску -- не першая і не апошня ахвяра прымусовай дактыласкапіі. У аддзел міліцыі ён быў выкліканы па пратаколу наконт парушэння правілаў пераходу праз пешаходны пераход. Калі ён туды прыйшоў, адначасова Леўчанку прапанавалі здаць адбіткі пальцаў. Сказалі, што таго патрабуе ваенкамат. Малады чалавек праходзіць дактыласкапію адмовіўся, сказаўшы, што няхай ваенкамат яго і выклікае. У выніку на Леўчанку былі складзены 2 пратаколы: за парушэнне правілаў пераходу вуліцы і за непадпарадкаванне супрацоўнікам міліцыі.

Перад гэтым Леўчанка адчуваў недамаганне. Стрэсавыя сітуацыі выклікалі абвастрэнне хваробы, і малады мужчына апынуўся на бальнічным ложку спачатку ў Белаазёрскай бальніцы, адкуль быў пераведзены ў абласную. Пасля 50 дзён лячэння атрымаў трэцюю групу інваліднасці.

Позву ў суд наконт адмовы ад дактыласкапіі Ігар Леўчанка атрымаў, калі клаўся ў Белаазёрскую бальніцу. Ён папрасіў адкласці суд, пакуль не выздаравее, на другую павестку не змог адказаць, паколькі ўжо знаходзіўся ў абласной бальніцы. Рашэнне суду аб тым, што аштрафаваны на 2 мільёны рублёў,  атрымаў, калі ехаў на камісію атрымліваць інваліднасць.

Цяпер Ігару Леўчанка не трэба больш здаваць адбіткі пальцаў нават у ваенкамаце. Цяпер ён неваенаабязаны, а 2 мільёны заплаціць трэба, што для непрацуючага інваліда вельмі праблематычна.