Жыхары Брэста выступаюць за роспуск гарадскога савета дэпутатаў

2012 2012-06-28T10:29:52+0300 1970-01-01T03:00:00+0300 be http://spring96.org/files/images/sources/brest-shod-27.06.12.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Будаўніцтва аптэкі на дваровай тэрыторыі ў Брэсце

Будаўніцтва аптэкі на дваровай тэрыторыі ў Брэсце

Увечары 27 чэрвеня падчас сходу па пытанні будаўніцтва аптэкі ў мікрараёне “Кавалёва” яго жыхары прагаласавалі за роспуск гарадскога савета дэпутатаў. Бо мясцовыя ўлады, без уліку меркаванняў людзей, далі дазвол на будаўніцтва аптэкі на дваровай тэрыторыі – пры тым, што побач ужо знаходзяцца тры аптэкі.   

Жыхары дамоў № № 77 і 79 па вуліцы Суворава, побач з якімі плануецца будоўля, распавялі, што напярэдадні яны пісьмова накіравалі зварот дэпутатам гарсавета з просьбай умяшацца ў сітуацыю, аднак ніякай рэакцыі не было.

Таму на сходзе было вырашана не толькі пачаць збор подпісаў за тое, каб прыпыніць будаўніцтва аптэкі, але і пастаўлена на галасаванне пытанне аб роспуску гарадскога савета дэпутатаў, паколькі “народныя выбраннікі” не здольныя абараняць інтарэсы сваіх выбаршчыкаў перад органамі выканаўчай улады.

Пратакол сходу разам з подпісамі будзе накіраваны ў Брэсцкія аблвыканкам і гарвыканкам, а таксама ў гарадскі савет дэпутатаў. Акрамя таго, жыхары вуліцы Суворава заявілі пра намер усімі дасяжнымі сродкамі перашкаджаць узвядзенню двухпавярховага будынка на аварыйна небяспечным перакрыжаванні і ў непасрэднай блізкасці з жылымі дамамі. Гарадскія ўлады пакуль трымаюць паўзу.   

Сход жыхароў мікрараёна "Кавалёва" г.Брэста 27.06.2012

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international