Судовае паседжанне па забароне велапрабега прызначана на 4 ліпеня

2012 2012-06-26T09:10:46+0300 1970-01-01T03:00:00+0300 be http://spring96.org/files/images/sources/velaprabeg-sal.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На мінулым тыдні ў судзе Салігорскага раёна адбылася дасудовая гутарка прадстаўнікоў мясцовага выканкаму і заяўніка маладафронтаўскага велапрабегу Андрэя Тычыны.

Падчас сустрэчы пытанне аб прымірэнні бакоў нават не ўздымалася. Не былі задаволены хадайніцтвы маладафронтаўца аб прад’яўленні юрыстамі выканкаму мапы аналагічнага велапрабегу, які ладзіўся праўладнай арганізацыяй “Белая Русь”.

На думку Андрэя Тычыны, з юрыдычнага пункту гледжання ў незалежным і справядлівым судзе ў Салігорскага выканкаму не было б аніякіх шанцаў на перамогу:

- Я кансультаваўся з юрыстамі, таму перакананы, што на судовым паседжанні выканкам будзе літаральна зганьбаваны за гэткую антыканстытуцыйную і наўпрост бязраматную забарону нашага мірнага мерапрыемства, - мяркуе маладзён. - На жаль, у Беларусі судовыя пастановы часта выносяцца сыходзячы з палітычных матываў, таму ў станоўчае рашэнне я веру слаба. Як бы ні было, буду дамагацца аднаўлення сваіх правоў.

Зрэшты, чакаць засталося нядоўга. Суддзя Валянціна Лапіна прызначыла паседжанне на 4 ліпеня ў 10.30. Маладафронтаўцы заклікаюць усіх ахвотных прыйсці ў залу суда і самім вызначыць, на чыім баку праўда. Збор удзельнікаў запланаваны каля 312 кабінету.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international