Арыштаваны Андрэй Пачобут

2012 2012-06-22T09:04:01+0300 1970-01-01T03:00:00+0300 be

Журналіст Андрэй Пачобут быў арыштаваны сёння ў сваёй кватэры Гродна. Супраць яго заведзена крымінальная справа паводле артыкулу «паклёп на прэзыдэнта». Падставамі для абвінавачвання сталі артыкулы на сайтах «Хартыя’97» і «Беларускі партызан».

Мы прагледзелі апошнія публікацыі Андрэя Пачобута на сайтах «Хартыя-97», «Беларускі партызан» і блогу журналіста, аднак не знайшлі публікацый, якія б маглі кваліфікавацца як абраза кіраўніка краіны.

Паводле папярэдняй інфармацыі, справу вядзе следчы Арсень Нікольскі.

У хаце зрабілі ператрус і сканфіскавалі камп’ютары.

Пачобута павезлі на допыт, дзе ён адмовіўся адказваць на пытанні, пасля чаго яго завезлі ў гарадзенскую турму.

***

5 ліпеня 2011-га Ленінскі суд Горадні вынес рашэньне, згодна зь якім Пачобут быў апраўданы па ч. 1 арт. 368 КК (абраза прэзыдэнта Беларусі), але прызнаны вінаватым па частцы 1 артыкула 367 КК (паклёп на прэзыдэнта).

Пакараньне, прадугледжанае за паклёп і абразу (паводле п. 2 артыкулаў 188, 189) : штраф ці папраўчыя работы да двух гадоў, арышт (адпаведна да шасьці ці трох месяцаў), абмежаваньне волі да трох гадоў.

Андрэй Пачобут — карэспандэнт польскай «Газэты выборчай» у Беларусі. У аснове крымінальнай справы — публікацыі журналіста: восем з «Газэты выборчай» і дзьве з інтэрнэту — зь «Беларускага партызана» і «Жывога журналу». Андрэю Пачобуту прад’явілі абвінавачаньне па двух артыкулах Крымінальнага кодэксу РБ — 368 (частка 1) — «абраза» і 367 (частка 1) — «паклёп» у адносінах да прэзыдэнта.



Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international