“Маладафронтавец” Павал Сяргей абскарджвае рашэньне прызыўной камісіі ў судзе

Маладзечанскі раённы суд 18 чэрвеня разглядае скаргу актывіста зарэгістраванай у Чэхіі арганізацыі “Малады фронт” Паўла Сяргея  на рашэньне прызыўной камісіі аб прызнаньні яго годным да вайсковай службы.
Раней Павел Сяргей накіраваў у Маладэчанскі ваенкамат заяву на альтэрнатыўную грамадзянскую службу, паколькі не можа “па сваіх рэлігійных перакананьнях насіць вайсковую форму і служыць у войску, дзе пануе камуністычная сімволіка (серп і молат), пад якой у СССР пераследавалі хрысціянаў”.  Аднак 10 траўня прызыўная камісія Маладэчна прызнала яго годным да вайсковай службы. Пры гэтым позвы на вайсковую службу ён так і не атрымаў.

Суддзя Марыя Абрамава, якая разглядае скаргу, запатрабавала прадставіць доказы ягонага актыўнага сяброўства з пратэстанцкай царквой.