Памочніка Мілінкевіча арыштавалі на трое сутак

2006 2006-10-31T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Андрэя Кусельчука, які зьяўляецца памочнікам Аляксандра Мілінкевіча, затрымалі ў Горадні ў мінулую нядзелю. Яго даставілі ў Кастрычніцкі райаддзел міліцыі, дзе ў спэцпрыёмніку ён правёў ноч зь нядзелі на панядзелак. 30 кастрычніка ў Кастрычніцкім раённым судзе Горадні яго пакаралі арыштам на трое сутак, адны зь якіх ён ужо адбыў за кратамі.

На спадара Кусельчука быў складзены пратакол паводле артыкулу 156 адміністрацыйнага кодэксу — за дробнае хуліганства. Затрыманьне было для яго нечаканым. Як гэта адбылося, Андрэй Кусельчук сёньня расказаў Радыё Свабода:

- На аўстанцыі ў Горадні я быў затрыманы двума супрацоўнікамі спэцслужбаў, якія груба закруцілі мне рукі, вывелі з аўтобусу, узялі мае ключы ад машыны, адчынілі незаконна машыны, агледзелі што знаходзіцца ў багажніку, што ў самой машыне. Яны выклікалі міліцыянтаў, яны прыехалі і даставілі мяне ў Кастрычніцкі РАУС. Там адразу сталі глядзець машыну, я папрасіў, каб спачатку склалі пратакол затрыманьня, а потым — пастанову аб аглядзе машыны, каб усё адбывалася згодна з працэсуальным заканадаўствам.

Пасьля таго, як міліцыянты агледзелі машыну, яны склалі пратакол затрыманьня. Паводле яго, Андрэй Кусельчук нібыта нецэнзурна лаяўся на аўтавакзале. Учора ён зьвярнуў увагу суду на тое, што ў журнале дзяжурнага райаддзелу міліцыі была напісана адна прычына затрыманьня, а ў пратаколе пазначана зусім іншая.

Пасьля абеду была прадстаўленая выпіска з гэтага журналу. Андрэй Кусельчук назваў яе сфальшаванай: у ёй было пазначана, што яго затрымалі за перавозку друкаванай прадукцыі нявызначанага ўзору, а таксама за лаянку.

Каля 18 гадзінаў судзьдзя Андрэй Кавальчук пакараў Андрэя Кусельчука 3-х дзённым арыштам — з фармулёўкай менавіта за нецэнзурную лаянку, паведамляе Радыё Свабода.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international