Гародня: у судах - суцэльная карпаратыўная “салідарнасць”

2012 2012-06-15T15:59:41+0300 1970-01-01T03:00:00+0300 be http://spring96.org/files/images/sources/pravasuddze2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Прадказальнай адмовай завяршыўся разгляд скаргі жыхара Гародні Уладзіміра Фяненкі, якую ён падаў у абласны суд на прысуд Ленінскага раённага суда. Судовая калегія, якая разглядала касацыйную скаргу, не захацела заглыбляцца ў яе сутнасць і па-фармалісцку адвяла на зацвярджэнне “законнасці прысуду” хвілін дваццаць.

Нагадаем, што адміністратыўны працэс у дачыненні Уладзіміра Фяненкі, якога звінавацілі нібыта ў непадпарадкаванні супрацоўнікам міліцыі пры патрабаванні праходжання дактыласкапіі, была расцягнутая ў часе. Па-сутнасці, службовыя асобы сфальшавалі пратакол, які быў складзены завочна. Пры гэтым “вызначыўся” супрацоўнік міліцыі Юрый Радзюн, а прадстаўнік Ленінскага РАУС Пётр Друць выступаў сведкам. Апошні зараз фігуруе ў аналагічным адміністратыўным працэсе па справе праваслаўнага святара Мікалая Гайдука, суд над якім перанесены на 22 красавіка. Пратакол па справе Фяненкі пасылаўся на дапрацоўку і ўрэшце суддзя Ленінскага раённага суда Гародні Мікалай Сяргейка 11 красавіка прысудзіў абвінавачанаму 2 мільёны штрафу.

Уладзімір Фяненка, нягледзячы на адмоўны вынік разгляду яго скаргі ў абласным судзе, мае намер дамагацца справядлівасці далей і падаць скаргу ў Вярхоўны суд Рэспублікі Беларусь.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international