Старшынёй БХК зноў абраны Алег Гулак

2012 2012-06-11T12:07:42+0300 1970-01-01T03:00:00+0300 be

Алег Гулак зноў абраны на пасаду старшыні рэспубліканскай праваабарончай грамадскай арганізацыі «Беларускі Хельсінкскі камітэт» (БХК), паведаміў кіраўнік юрыдычнай службы БХК Гары Паганяйла.

Паводле яго слоў, 8 чэрвеня ў Мінску прайшоў чарговы справаздачна-выбарны сход БХК. «Мы спецыяльна не анансавалі і не паведамлялі аб правядзенні сходу, бо нам з цяжкасцю ўдалося знайсці для яго памяшканне. І каб не ўзнікла непрадбачаных сітуацый, мы нікога на сход не запрашалі», — адзначыў Паганяйла.

У ходзе сходу адбыліся выбары ў склад кіруючых органаў БХК на наступны перыяд. Старшынёй БХК зноў абраны Алег Гулак, намеснікам старшыні — Васіль Санковіч, паведаміў Паганяйла.

Паводле яго слоў, у найбліжэйшых планах дзейнасці БХК будзе арганізацыя і правядзенне назірання за ходам парламенцкіх выбараў у Беларусі. «Мы будзем назіраць за гэтымі выбарамі сумесна з іншымі праваабарончымі арганізацыямі і праваабаронцамі незалежна ад таго, якую пазіцыю выберуць апазіцыйныя палітычныя партыі — байкот або ўдзел у выбарах. Гэтую працу мы праводзім рэгулярна, і па выніках назірання, як звычайна, будзе складзены адпаведны даклад з пазіцый БХК», — заявіў Паганяйла.

***

БХК быў заснаваны 1 лістапада 1995 года. Арганізацыя з’яўляецца самастойным, незалежным, некамерцыйным, праваабарончым грамадскім аб’яднаннем, створаным у мэтах ажыццяўлення гуманітарнай дзейнасці на тэрыторыі Беларусі, якое працуе на аснове самакіравання і аб’ядноўвае на аснове агульнасці інтарэсаў грамадзян Рэспублікі Беларусь.

Арганізацыя з’яўляецца партнёрам Савета Еўропы і актыўным удзельнікам міжнароднага хельсінкскага руху. У 1998 годзе БХК узнагароджаны прэміяй Еўрапейскага саюза і ЗША за ўклад у развіццё грамадзянскай супольнасці.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international