Затрыманьні ля Адміністрацыі прэзыдэнта

Сябра сацыял-дэмакратычнай партыі Грамада жыхар Барысава Алесь Абрамовіч спрабаваў правесьці пікет. Па інфармацыі Радыё Свабода, ля будынку адміністрацыі прэзыдэнта ён разгарнуў плякат: “Свабоду Казуліну і іншым палітзьняволенным”.

Празь некалькі хвілінаў супрацоўнікі Службы аховы прэзыдэнта затрымалі Алеся Абрамовіча, а таксама журналістаў – карэспандэнту Свабоды Галіну Абакунчык і карэспандэнтку тыднёвіка “Беларусы і рынак” Ксенію Алімаву.

Затрыманыя знаходзяцца ў гарадзкім адзьдзеле міліцыі.