Дэпутаты не спяшаюцца гуманізаваць заканадаўства ў адносінах да асуджаных

2012 2012-06-05T11:53:57+0300 1970-01-01T03:00:00+0300 be http://spring96.org/files/images/sources/deputackija_mescy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сябра Баранавіцкай гарадской філіі Беларускага Хельсінкскага камітэта Анжаліка Камбалава атрымала ліст ад дэпутата Палаты Прадстаўнікоў Нацыянальнага Схода Святланы Пішч, у якім дэпутат пісьмова выказала падзяку актывістцы за актыўную грамадзянскую пазіцыю і праяўленую ініцыятыву. Раней мы паведамлялі, што Анжаліка Камбалава накіравала лісты дэпутатам парламента з прапановаю гуманізаваць Крымінальна-выканаўчае заканадаўства краіны ў адносінах да асуджаных.

З ліста дэпутата ПП Святланы Пішч вынікае, што яна супраць паспешных зменаў Крымінальна-выканаўчага заканадаўства, даводзіць, што гэта доўгі і працяглы працэс. Святланы Пішч лічыць, што мэты пакарання не могуць быць дасягнуты мяккімі мерамі, а толькі ва ўмовах жорсткай ізаляцыі і спецыяльнага рэжыму.

Грамадская актывіста цалкам згодна з дэпутатам Святланай Пішч, што абмежаванне свабоды, прымусовая праца і спецыяльны рэжым ёсць пакаранне. Але Анжаліка Камбалава лічыць, што не можа быць пакараннем прыніжэнне чалавечай годнасці асуджанага, утрыманне ў памяшканнях, дзе не выконваюцца санітарна-гігіенічныя нормы, абмежаванне ў харчаванні, сне, звычайных чалавечых патрэбах. Голад і холад не спрыяюць выпраўленню асуджанага, не могуць быць прызнаныя за сродак уздзеяння на зняволенага чалавека.

– Зразумела, што адным лістом ці нешматлікім зборам подпісаў цяжка пераканаць дэпутатаў распачаць працу па гуманізацыі Крымінальна-выканаўчага заканадаўства, але ініцыяваць такія дзеянні трэба і неабходна ў нашых умовах,- паведаміла Анжаліка Камбалава.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international