У рапарце “Рэпартэраў бязь межаў” Беларусь на 17-м месцы па несвабодзе прэсы

2006 2006-10-25T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Лідэрства трымае Паўночная Карэя. Міжнародная арганізацыя «Рэпартэры бязь межаў» прадставіла новы рапарт, датычны свабоды прэсы ў сьвеце.

Паводле згаданага дакумэнту, Беларусь надалей знаходзіцца сярод краінаў, дзе здараюцца найбольш выразныя парушэньні правоў журналістаў. Сёлетні сьпіс бярэ пад увагу 168 краінаў, а Беларусь знаходзіцца на 151 месцы, побач з такімі краінамі, як Емэн, Лібія, Сырыя, Ірак, Віетнам, Лаос, Пакістан, Узбэкістан.

Арганізацыя « Рэпартэры бязь межаў» заўважае, што, на жаль, сытуацыя са свабодай прэсы ў згаданых дзяржавах не мяняецца цягам некалькіх гадоў.

Найгоршая сытуацыя аднатаваная ў Паўночнай Карэі, Туркмэністане, Эрытрэі. У сваю чаргу найлепшая - у Фінляндыі, Ісьляндыі, Ірляндыі, Галяндыі.

Цікава, што краіны, дзе ў часы камунізму існавала цэнзура, сёньня знаходзяцца ў першай дзясятцы. І ў гэтым аўтары дакумэнту бачаць пазытыўную тэндэнцыю.

Паводле сайту “Нашай Нівы”, рапарт пра стан свабоды прэсы створаны на падставе адказаў на 50 пытаньняў, якія прадстаўнікі арганізацыі « Рэпартэры бязь межаў» задалі арганізацыям, журналістам, юрыстам і праваабаронцам. Пытаньні датычылі свабоды прэсы ў іх краінах.

У СНД горш, як у Беларусі, сродкі масавай інфармацыі пачуваюцца толькі ва Ўзбэкістане (155-е месца). З нашых суседзяў Латвія заняла 10-е месца, Літва — 27-е, Польшча — 58-е. Украіна падзяліла з Індыяй 105-ю пазіцыю, а Расія апынулася на 147-м месцы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international