Царква 'Новае жыцьцё' зьвяртаецца ў пракуратуру з-за паклёпу СТБ

2006 2006-10-25T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёньня, 25 кастрычніка, вернікі царквы "Новае жыцьцё" звярнуцца са скаргай у Пракуратуру Рэспублікі Беларусь з просьбай прыцягнуць да крымінальнай адказнасьці аўтара і ўдзельнікаў паклёпніцкіх сюжэтаў тэлеканала "Сталічнае тэлебачаньне": супрацоўніцу СТВ Людмілу Джураеву, начальніка аддзела па справах рэлігій і нацыянальнасьцяў Менгарвыканкама Алу Рабіцэву і кандыдата гістарычных навук Івана Янушкевіча.

Паводле беларускага заканадаўства, 19 кастрычніка царква падала заяву з патрабаваньнем да кіраўніцтва Сталічнага тэлебачаньня разьмясціць аспрэчаньне ілжывай інфармацыі аб царкве "Новае Жыцьё", якая прагучала ў выпуску навін 14 і 15 кастрычніка.

– Мы лічым гэтыя рэпартажы паклёпніцкімі, паколькі факты, выкладзеныя ў іх, не адпавядаюць рэчаіснасьці і носяць правакацыйны характар, – заявіў юрыст царквы Сяргей Луканін. – У выніку грубіянскага мантажу маіх слоў у рэпартажы СТВ прагучала выказваньне, сэнс якога зводзіцца да таго, што ўсе ўдзельнікі акцыі пратэсту абавязваюцца галадаць да смяротнага зыходу.

Рашэньне звярнуцца ў пракуратуру было прынятае пасля тэлефоннай размовы з юрысконсультам тэлеканала Галінай Дварцовай, з якога стала зразумела, што гэтае пытаньне дагэтуль нават не разглядалася кіраўніцтвам СТВ, бо ў юрысконсульта "няма часу гэтым займацца" і "галадоўка вернікаў да яе не датычыцца". Калі юрыст царквы Сяргей Луканін нагадаў, што ў выпадку адмовы кіраўніцтва тэлеканала даць праўдзівую інфармацыю пра "Новае жыцьцё" вернікі будуць вымушаныя падаць скаргу ў Пракуратуру, Г.Дварцова адказала:"Пішыце, куды хочаце. Нас гэта не хвалюе".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international